دبیت یوڤانتوس ستێرەکا خوە بفروشیت خۆلا چینێ
ئەڤرۆ نیوز:
یانەکا چینی دخوازیت ھەڤبەستێ ل گەل ستێرەکا یوڤانتوس یا ئیتالی ئیمزا بکەت ل ڤەگوھاستنێن ھاڤینا ئەڤ سالە .
مالپەرێ کاتشیو مێرکاتو یێ ئیتالی دیارکریە یانا یوڤانتوس نوکە یا ھزر د فروتنا ستێرا خوە یا کولومپی خوان کوادرادو دا دکەت پشتی یانا شنگھای شینھوا یا چینی ھەڤبەستەکا بلند پێشکێشی وێ یانا ئیتالی کری بوو ڤەگوھاستنا ئەوی یاریزانی.
ئەوێ رۆژنامێ ئاشکراکریە ژی یانا یوڤانتوس ھەتا رادەیەکێ مەزن رازی بوویە ل سەر فروتنا وی یاریزانێ و بتنێ چاڤەرێ بریارا وی یاریزانی یا دووماھیێ نە.
ھەردیسان وێ رۆژنامێ ئەو چەندە ژی ئاشکرا کریە وێ یانا چینی بەرھەڤیا خوە دیارکریە کوژمێ ٢٠ ملیون یورۆیا بۆ ڤەگوھاستنا ئەوی یاریزانی پێشکێشی یوڤانتوس بکەن و یاریزان ژی کوژمێ ١٠ ملیون یورۆیا وەکو موچەیێ سالا ئێکێ وەربگریت.
