یاریزانێن ھەلبژارتیێ بەرازیل ھاتنە دەنگ ل سەر داخویانیا میسی
ئەڤرۆ نیوز:
ستێرا ئەرژەنتینی و یانا بەرشەلۆنا لیونێل میسی بەری یاریا دووماھیا کوپا ئەمریکا داخویانیەک دژی ھەلبژارتیێ بەرازیل دا بوو دیارکر بوو قارەمانیا ئەڤ جارە کوپا ئەمریکا یا پرە ژ گەندەلیێ و ھەموو یێ کاردکەن داکو بەرازیل ناسناڤێ ئەڤ جارە ب دەستخوڤە ببەت و پشتی ھەلبژارتیێ بەرازیل ل شەڤا بوری شیای ناسناڤێ خوە یێ ٩ د مێژویا خوە دا ب دەستخوڤە ببەت دەمێ شیای سەرکەفتنێ ل سەر ھەلبژارتیێ پیرو توماربکەت ،چەند ستێرێن بەرازیلێ ب توندی بەرسڤا میسی دا ل سەر ئەو داخویانیا دژی ھەلبژارتیێ ئەوان ھاتیە دانێ.
تیاگو سێلڤا: میسی ژبەرپرساتیێ د رەڤیا
بەرەڤانێ یانا پاریس سانجێرمان و ھەلبژارتیێ بەرازیل تیاگو سێلڤا دیارکر میسی ژ بەرپرساتیا خوسارەتیا ھەلبژارتیێ خوە د کوپا ئەمریکا دا د رەڤی و بەرازیل و دادڤانێ، کوپا ئەمریکا کرنە بھانە بخوە .
ھەردیسان وی بەرەڤانێ پاریس دیارکر ژی پێدڤی یە یاریزان ھزر ل داخویانیا خوە بکەت و لەزاتیێ تێدا نەکەت بوو بنمونە خوسارەتیا ئەوان یا پاریس سانجێرمان یا بەری چەند سالان د قارەمانیا چامپیونیز لیگ دا ب ٦ گولان بەرامبەر گولەکێ کو بەرشەلۆنا ب ھاریکاریا دادڤانان دەربازبوو لێ ئەوان وەکو یاریزانێن پاریس چ بەرسڤێن توند نەبوون .
تیاگو دیارکر ژی بلا رێزگرتنێ ل ناڤ و مێژویا ھەلبژارتیێ بەرازیل بگریت چونکو بەرازیل خودانا ٥ ستێرانە و ئەوان ئەو قارەمانی نە دزی نە و ب شیانێن خوە ب دەستخوڤە برینە.
مارکینھوس ژی ئاخفتنا خوە ل سەر میسی دا و دیارکر ل سەر ئەوی یاریزانی پێدڤی یە بزانیت بەرازیل ھەلبژارتیەکێ خودان شیان و ناسناڤێ قارەمانیێ ب شیانێن خوە بریە و مێژویا بەرازیل یا دیار و بەرچاڤە بوو ھەموو دنیایێ و ھەکە میسی باش دیڤچوونا بەرازیل بکەت گەلەک قارەمانیێن مەزن زولم ل ئەوان ھاتیەکرن بو نمونە دووماھیی موندیالا جیھانی ل یاریا بەرامبەر بەلجیکا ژ ئەگەرێ شاشیێن دادڤانان ئەو ژ قارەمانیێ ھاتنە دورخستن .
ئەوی بەرەڤانێ ھەلبژارتیێ بەرازیل ئاماژە ب وێ چەندێ ژی کر میسی باش دزانیت ھەلبژارتیێ وی و یانا وی بەرشەلۆنا گەلەک دەستکەفتی و سەرکەفتن ب دەستخوڤە تومارکرینە ب ھاریکاریا دادڤانان و نزا بۆ وی دەمی ئەو یاریزان یێ بێ دەنگ بوو.
کاسمێرو یاریزانێ بەرازیلی و یانا ریال مەدرید ژلایێ خوڤە دیارکر ھەر کەسەکی ئەزمان یێ ھەی و یێ ئازادە ب وی ئەزمانی چەوا باخفت، ھەردیسان ناڤبری دیارکر ژی ئەو ناخوازیت گەلەک ل سەر وی بابەتی باخفت ژبەرکو بریار دان ل سەر دادڤانان نە کارێ ئەوانە .