دو یانێن مەزن ل ئورۆپا ھەڤرکیا گولکەرێ ھەلبژارتیێ بەرازیل دکەن
ئەڤرۆ نیوز:
ستێرا گەنچ یا ھەلبژارتیێ بەرازیل و یانا گرێمو یا بەرازیلی ئیڤەرتون سواریس د دیدارەکێ دا بۆ رۆژناما میرو یا برێتانی دیارکریە یانەکا مەزن ل ئورۆپا دخوازی ژێ کریە ھەڤبەستا ئەوان ئیمزا بکەت لێ ئەو ناخوازیت چ بریارا ل سەر وێ داخوازیا وێ یانێ بدەت ھەتا پشتی یاریا تیما ئەوی ل گەل یانا باھیا ل رۆژا چارشەمبیا بھێت.
ژلایەکێ دیڤە راپورتێن رۆژنامەڤانی ل برێتانیا و بەرازیل دیارکرینە ھەر ئێک ژ یانێن ئەتلەتیکو مەدرید یا ئیسپانی و ئەرسینال ھەڤرکیا ئێک دکەن بۆ دەستڤە ئینانا شیانێن ئیڤەرتونی .
ھەردیسان ئەوان رۆژناما دیارکریە یانا ئەرسینال یا لەندەنی پتر نێزیکی ئیمزاکرنا ھەڤبەستا وی ستێرا بەرازیلی بووینە و ب فەرمی ئەوێ یانێ دەست ب دانوستاندنان کرینە ل گەل یانا گرێمو بۆ ڤەگوھاستنا ئەوی یاریزانی ھەردیسان یاریزانی ژی ب نەھێنی ڤە بۆ بریکارێ خوە دیارکریە ئەو دخوازیت یاریێ ل یانەکا وەکو ئەرسینال بکەت.
ھەژی گوتنێ یە ئیڤەرتون یێ ٢٣ سالی ئێک ژ یاریزانێن سەرەکی بوو ل گەل ھەلبژارتیێ بەرازیل د قارەمانیا کوپا ئەمریکا دا ئەوا بەری چەند رۆژا ب دووماھیی ھاتی کو ھەلبژارتیێ بەرازیل شیابوو بۆ جارا ٩ ناسناڤی ب دەستخوڤە بینت ھەردیسان ئەو یاریزان شیابوو پێلاڤا زێری ب دەستخوڤە بینت پشتی شیای بیتە گولکەرێ خولێ و ھەردیسان وەکو باشترین یاریزانێ یاریا دووماھیا قارەمانیێ ژی ھاتە خەلاتکرن.
ل گەل ھەلبژارتیێ بەرازیل شیابوو ل ماوێ چەند رۆژێن بوری قارەمانیا کوپا ئەمریکا ب دەستخوڤە بینت.
