یاریزانەکێ مانچێستەر نێزیکی ئیمزاکرنا ھەڤبەستا میلان بوویە
ئەڤرۆ نیوز:
یانا میلان یا ئیتالی دەست ب لڤینا کریە بۆ دەستڤە ئینانا بەرەڤانێ یانا مانچێستەر یوناید ئیرێک بایلی بۆ ڤەگوھاستنێن ھاڤینا ئەڤ سالە پشتی ئەو یانا ئیتالی نەشیای د ڤەگوھاستنا بەرەڤانێ کرواتی و یانا لیڤەرپول دیان لوڤرین دا ب سەرکەڤن ژبەر موچەیێ وی یێ مەزن کو سالانە ئەو یاریزانێ ناڤبری ٤.٥ ملیون جێنێ ئیسترلینی د وەرگریت و ئەڤ کوژمێ پارەی ژی د شیانێن وێ یانا ئیتالی دا نینە بدەنە وی یاریزانی.
زێدەتر رۆژناما توتو سپورت یا ئیتالی دیارکریە چاڤەرێ دھێتەکرن د حەفتیا بھێت دا ب فەرمی یانا میلان ھەڤبەستێ پێشکێشی یانا مانچێستەر یوناید بکەت بۆ ڤەگوھاستنا ئەوی یاریزانێ ناڤبری و چاڤەرێ دھێـتەکرن ب رێژەیا ھەرە مەزن مان یوناید ل سەر داخوازیا میلان رازی بیت ژبەرکو دخوازیت بەری ھەڤبەستا ئەوی یاریزانێ ناڤبری ب دووماھیی بھێت بفروشن کو چاڤەرێ دھێتەکرن ل ھاڤینا ٢٠٢٠ ھەڤبەستا ئەوی یاریزانی ب دووماھیی بھێت.
