پاریس و مانچێستەر ھەڤرکیا دەستڤە ئینانا ستێرەکا یوڤانتوس دکەن
ئەڤرۆ نیوز:
ھەردو یانێن مانچێستەر یوناید و پاریس سانجێرمان ھەڤرکیا ب دەستڤە ئینانا یاریزانەکێ یانا یوڤانتوس دکەن بوو ڤەگوھاستنێن ھاڤینا ئەڤ سالە .
رۆژناما کاتشیو مێرکاتو یا ئیتالی دیارکریە یانا پاریس سانجێرمان ژی کەڤتی یە د ھەڤرکیا یانا مانچێستەر یوناید دا بوو دەستڤە ئینانا یاریزانێ فرەنسی و یانا یوڤانتوس بلیز ماتویدی .
ھەردیسان وێ رۆژنامێ دیارکریە ژی یانا یوڤانتوس نابیتە رێگر د رێیا چوونا وی یاریزانێ خوە دا لێ بەرامبەر چونا وی مەرجەک ھەیە ئەوژی ھەر یانەکا ئەوی یاریزانی بخوازیت پێدڤی یە کوژمێ ٢٠ ملیون یورۆیا پێشکێشی یوڤانتوس بکەن.
ھەژی گوتنێ یە بلیز ماتویدی ل سالا ٢٠١٧ ژ یانا پاریس سانجێرمان ھاتبوو ڤەگوھاستن بوو یانا یوڤانتوس و د ماوێ دو سالێن بوری دا زێدەتر ژ ٧٠ یاریان بوو یانا یوڤانتوس کرینە .
