ئەرسینال نێزیکی ئیمزاکرنا ھەڤبەستا ڤی یاریزانێ یوڤانتوس بوویە

ئەڤرۆ نیوز:
پشتی ھەردو بەرەڤانێن وێ کوسیلنی و ھولدینگ توشی ھنگافتنێ بووین یانا ئەرسینال دخوازیت ھەڤبەستێ ل گەل بەرەڤانەکێ خودان شیان ئیمزا بکەن بوو ب ھێز ئێخستنا ھێلا بەرەڤانیا خوە بۆ وەرزێ نوو یێ تەپا پێ.
رۆژناما مترو یا برێتانی دیارکریە یانا ئەرسینال دەست نێزیکی ئیمزاکرنا ھەڤبەستا بەرەڤانێ نیڤدەولەتی یێ ئیتالی و یانا یوڤانتوس دانیێل روگانی بوویە ئەوێ ل وەرزێ بوری ٢٠ یاریان دا پشکداری ل گەل وێ یانا ئیتالی کری .
ھەردیسان وێ رۆژنامێ دیارکریە ژی وی یاریزانی ژی حەزا چوونێ ھەیە ژ یانا یوڤانتوس تایبەت پشتی وێ یانێ ھەڤبەستا ماتیاس دی لیگیت یێ ھولەندی ئیمزاکری کو دبیت دەلیڤەیا یاریێ بوو ئەوی ژ وەرزێ بوری کێمتر بیت لەورا ئەو دخوازیت بەر ب یانەکا نوو ڤە بچیت .
ھەردیسان وێ رۆژناما برێتانی دیارکریە ژی یانا یوڤانتوس ژی نابیتە رێگر د رێیا چوونا ئەوی یاریزانی دا و یانا ئەرسینال ژ ھەر یانەکا دی نێزیکترە بوو ئیمزاکرنا ھەڤبەستا ئەوی  یاریزانێ ناڤبری

کۆمێنتا تە