ده‌لیڤێن كارى بۆ 250 كه‌سان هاتنه دیتن
ئه‌ڤرۆ نیوز، عه‌لى حاجى :
د داخویانیه‌كێ دا به‌رپرسێ ئاواره و په‌نابه‌ران ل قایممقامیا زاخۆ بۆ ئه‌ڤرۆ نیوز ماوه‌كێ درێژه رێكخراوه‌كا بیانى كار بۆ دابین كرنا ده‌لیڤه‌ێن كارى بو خوه جهێن ده‌ڤه‌رێ ده‌ست پێكرى یه و دنوكه دا 250 كه‌س ژ كچ و كوران د پروژه‌یێ كاركرنا وێ رێكخراوێ دانه .
زێده‌تر خه‌لات ئوسمان گوت : رێكخراوا GIZ ب رێیا پروژه‌یێ cash of work ده‌لیڤه‌ێن كارى بۆ زێده‌ترى 250 كه‌سان ژ كچ و كوران ل زاخۆ ڤه‌كرى یه و ئه‌ڤ ده‌لیڤه دێ بۆ ماوێ 40 روژان بیت ، كو ژوان ژى 120 كه‌س بۆ دو نه‌مامگه‌هێن زاخۆ دابین كرینه و نێزیكى 10 روژایه ده‌ست ب كار بوین و هه‌ر دیسان 20 گه‌نجێن دیتر ژى هاتینه دابین كرن بۆ پاقژكرنا ڤه‌ڤیان ژ ئاگرى دا كو چور ودانێن ئاگر به‌ربونێ روونه‌ده‌ن ، دده‌مه‌كێ نێزیك دا كارێ وان دێ ب دوماهى هێت ، بریاره دحه‌فتیا بهێت دا 110 كه‌س ب هه‌ڤكارى دگه‌ل باژێرڤانیا زاخۆ پارك و ده‌وبه‌روبه‌رێن خابیرى و جادده‌یان و چه‌ندین جهێن دیتر پاقژ بكه‌ن و ئه‌ڤه دكه‌ڤیته دچارچووڤێ وى پروژه‌یێ رێكخراوا ناڤبرى دا.
ناڤبرى گوت ژى : ئه‌ڤ ده‌لیڤه‌ێن كارى بتنێ بو خوه‌جهێن ده‌ڤه‌را زاخۆیه و روژانه ژى دێ 25 هزار دینار ب وان كه‌سان هێته دان ، ئه‌ڤ كاره ژى ب پشته‌ڤانیا قایممقامیا زاخۆ هاتیه ئه‌نجام دان و ئه‌و ده‌لیڤه‌ێن كارى ژى بۆ ماوه‌یێ 40 روژان دێ یێ به‌رده‌وام بیت.
