سەرۆک بارزانی: هێشتا هزرا ئەنفالچیان یا مای
ئەڤرۆ نیوز:
سەرۆک مەسعود بارزانی د پەیامەکێ دا ئاماژە ب هندێ دکەت کو هێشتا هزرا ئەنفالچی و شوفینیان ل دەف هندەک لایەنان ل دژی گەلێ کوردستانێ یا مای.
سەرۆک بارزانی دیار دکەت کو دوژمن کینەکا مەزن ل هەمبەر دەڤەرا بارزان هەبوو، چونکو هێلینا شۆرەش و بەرخوەدانێ بوو، دوژمنی دخواست ب ئەنفالکرنێ هزرا کوردایەتیێ ژناڤ ببەت، لێ دوژمن نەشیا سەرکەڤیت و ئەڤرۆکە ئەو رێبازە نوونەراتیا کوردان دکەت.
سەرۆک بارزانی ئاماژە ب هندێ ژی دکەت کو ئاریشا سەرەکی یا گەلێ کوردستانێ ل گەل عیراقێ هزرا شوفینی یا هندەک لایەنانە ل دژی گەلێ کوردستانێ و هەتا نها ژی ئەو یەک بەردەوام دکەت.
