ل باژێرڤانیا رزگارى تنێ دو ئامیرێن كاركرنێ هه‌نه
ئه‌ڤرۆ نیوز، عه‌لى حاجى :
د داخویانیه‌كێ دا سه‌رۆكێ باژێرڤانیا ناحیا رزگارى ل زاخۆ بۆ ئه‌ڤرۆ نیوز راگه‌هاند ئالیه‌تێن سه‌ر ب باژێرڤانیا مه‌ڤه گه‌له‌ك دكێمن و زێده‌بارى وێ چه‌ندێ ژى نێزیكى ساله‌كێ یه هیچ پروژه‌یه‌كێ مه‌زن ل سنورێ ناحیا باژێرڤانیا مه نه‌هاتیه جێبه‌جێ كرن.
زێده‌تر نیهاد سه‌لیم دیار كر ل سنورێ باژێرڤانیا رزگارى مه داخاز كرى یه زێده‌ترى سێ كێلومه‌تران جادده‌یان بهێنه قیركرن ، ژبه‌ر كو مه ئاریشه‌یا نه‌قیركرنا جادده‌یان هه‌یه و نێزیكى ساله‌كێ هنده‌ك جادده هاتینه قیر كرن وه‌كو پروژه‌یێن مه‌زن، به‌لێ ژوێ مێژوویێ هه‌تا نوكه چو پروژه‌یه‌كێ مه‌زن نه‌هاتیه بجه ئینان بتنێ قیركرنا چه‌ند جادده‌یه‌كان نه‌بیت ئه‌و ژى ڤه‌دگه‌ریت بو به‌ریا ساله‌كێ ، هه‌كه ئه‌و سێ كێلومه‌تره بهێنه قیركرن هه‌تا راده‌یه‌كێ باش ئاریشه‌یا نه‌قیركرنا جادده‌یان دێ چاره‌سه‌ر بیت ، ، ل سنورێ رێڤه‌به‌ریا مه بتنێ مه شوفه‌له‌ك ودگه‌ل دا قه‌لابه‌یه‌كا بچیك هه‌یه و ئه‌و هه‌ردوو ئالیه‌ته بتنێ مه ل به‌ر ده‌ست هه‌یه و ئه‌ڤه ژى تێرا هندێ ناكه‌ت بشێن ب دروستى كارێ خوه ئه‌نجام بده‌ین ، به‌روڤاژى ئالیه‌ت ده‌ست و پێن كاركرنێ نه ، هه‌كه ئه‌و ئالیه‌تێن پێدڤى مه هه‌بانه دا شێن ب وان ئالیه‌تیان كارێ خوه ئه‌نجام ده‌ین.
ناڤهاتى ئه‌و چه‌نده ژى گوت : له‌ورا مه پێدڤیه‌كا مه‌زن ب وێ چه‌ندێ هه‌یه كو ئامیره‌تێن مه بهێنه زێده كرن ژبه‌ر كو ب دو ئامیره‌یان چو كاره‌كێ باش ناهێته ئه‌نجام دان ، هه‌یڤانه پێنچ ملیون دینار وه‌كو میزانى بۆ رێڤه‌به‌ریا مه هاتینه ته‌رخان كرن ، به‌لێ نێزیكى 60% ژوێ میزانیێ ئه‌م بۆ هند ژكارێن بچیك ته‌رخان دكه‌ین ، به‌لێ ئه‌ڤ كوژمه نه لدووڤ وێ سنورێ مه‌زنێ باژێرڤانیا رزگارى یه، به‌لێ هه‌تا راده‌یه‌كێ ئه‌م دشێن ب وى پاره‌یى هنده‌ك كاران پێ ئه‌نجام ده‌ین .
