ئه‌ركان دێ چیرۆكا ئەڤینیا خوە ئاشكرا كەت
ئەڤرۆ نیوز، سالار فائز:
راپبێژ ئەركان محەمەد تاهر ئیبراهیم، كو ب (ئەركان راپ) دهێتە نیاسی بۆ ئەڤرۆ نیوز دیاركر، ئەو ژدایكبوویێ سالا 1990 یە، دژیەكێ بچووكدا حەزا سترانێن راپێ ل دەف پەیدا بوویە، لێ ل 2009 دەست پێ كریە و هەتا نوكە نێزیكی شێست راپان هەنە، لێ بتنێ حەفت ژوان هاتینە كلیپكرن.
ناڤبری، كو ئەڤە چەند سالە ل وەلاتێ ئەلمانیا ئاكنجی یە، دبێژیت: نوكە ئەز مژوولی چێكرنا راپەكا نوومە ب ناڤێ (چیرۆكا من) كو دهێتە هژمارتن گرنگترین راپ د ژیانا مندا ژبەركو دڤێ راپێ دا چیرۆكا ئەڤینیا خوە یا پێنج سالی من تێدا دیاركریە، و من دڤێت ئەڤ راپە ب شێوازەكێ گەلەك باش دەركەڤیت و بەلاڤ ببیت، چونكو بەری نوكە د پتریا دیدارێن خوە دا من دگۆت ئەز ئەڤیندارام، لێ من ئەو ئەڤینی ئاشكرا نە دكر هەتا نوكە كو ئەز دبینم دەمێ وێ یێ هاتی و ل نێزیك دێ بەلاڤ كەم كو من ل گەل سترانبێژەكێ دی یا گۆتی، هەروەسا من گەلەك هەلبەستێن سترانكی داینە هندەك سترانبێژان ژی.
