ریال مه‌درید ژ نه‌چارى نه‌شێت ڤى یاریزانێ خوه بفروشیت
ئه‌ڤرۆ نیوز:
یانا ریال مه‌درید ناڤێ یاریزانێ خوه و هه‌لبژارتیێ كولومبیا خامێس رودرێگیز ژ لیستا فروتنا یاریزانان بوو مێركاتویا هاڤینا ئه‌ڤ ساله ڤه‌كێشا .
رۆژناما دیلى میل یا برێتانى دیاركریه به‌رپرسێن یانا ریال مه‌درید ناخوازن ل ڤى ده‌مى ده‌ستا ژ ستێرا خوه یا كولومپى رودرێگیز به‌رده‌ن ژبه‌ركو هه‌تا نوكه نه‌شیاینه یاریزانه‌كێ هێلا ناڤین ب ده‌ستخوڤه بینن .
ئه‌وێ رۆژنامێ دیاركریه ژى سه‌ره‌راى بزاڤێن مه‌زن یێن هه‌ردو یانێن ئه‌تله‌تیكو مه‌درید و ناپولى بوو ده‌ستڤه ئینانا ئه‌وى یاریزانى لێ به‌رپرسێن یانا ریال مه‌درید فروتنا ئه‌وى یاریزانى راوستاندى یه و ناڤێ وى كریه دناڤا ئه‌وان یاریزانان دا ئه‌وێن دێ بوو وه‌رزێ نوو یانه پشت به‌ستنێ ل سه‌ر كه‌ت بوو قاره‌مانیێن نافخوى و ئورۆپى.
هه‌ژى گوتنێ یه به‌رى ده‌ستپێكرنا كه‌مپا راهێنانى و یاریێن هه‌ڤالینى خامێس رودرێگیز ئێك ژ به‌ربژارێن سه‌ره‌كى بوو یانا ریال مه‌درید ده‌ستا ژێ به‌رده‌ت لێ پشتى ئه‌و یانه نه‌شیاى چ یاریزانێن هێلا ناڤین ب ده‌ستخوڤه بینت و هه‌ردیسان پشتى هنگافتنا ستێرا وێ یانێ ئه‌سینسیو به‌رپرسێن وێ یانێ نه‌چار بووینه ده‌ستا ژ ئه‌وى یاریزانى نه به‌رده‌ن هه‌ر چه‌نده زێدان راهێنه‌رێ ریال ژ ئاستێ وى یاریزانى نه یێ رازى یه .
