بزانه زێدان بوو یاریا ئه‌ڤرۆ چ گوت
ئه‌ڤرۆ نیوز:
چاڤه‌رێ دهێته‌كرن ئه‌ڤرۆ ده‌مژمێر شه‌ش مه‌غره‌ب یانا ریال مه‌درید یاریا خوه یا ئێكێ ژ خۆلا لالیگا ئیسپانیا ئه‌نجام بده‌ت ده‌مێ دبیته مێڤانا یانا سالتاڤیگو ل یاریگه‌ها وێ .
راهێنه‌رێ یانا ریال مه‌درید بوو ڤێ یاریێ دیاركر بوو ئه‌و گه‌له‌ك یێ دلخوشحاله بوو ده‌ستپێكرنا خولا لایگا و تیما ئه‌وان یا به‌رهه‌ڤه بوو هه‌ڤركیا ناسناڤێ خولێ .
هه‌ردیسان زێدان دیاركر ژى ئه‌وان به‌رهه‌ڤیێن باش بوو خولا لالیگا كرینه و هژماره‌كا یاریزانێن خودان شیان ل گه‌ل تیما ئه‌وان هه‌نه و ئه‌وى باوه‌ریه‌كا مه‌زن ب هه‌موو یاریزانێن خوه هه‌یه بتنێ ئه‌و نوكه هزر دێ ل یاریزانێن خوه كه‌ت ئه‌وێن ناڤێن ل گه‌ل ئه‌وى بوو وه‌رزێ ئه‌ڤ ساله .
زێدان سه‌باره‌ت خامێس رودرێگیز دیاركر ئه‌و یاریزانێ یانێ یه و ئه‌و گه‌له‌ك یێ كه‌یخوشحاله ب مانا ئه‌وى ل گه‌ل یانێ و دێ پشت به‌ستنێ ل سه‌ر ئه‌وى كه‌ت وه‌كو هه‌ر یاریزانه‌كێ دا ل ناڤا پێكهاتیێ تیمێ دا .
سه‌باره‌ت یانا سالتاڤیكو ناڤبرى دیاركر خولا ئیسپانیا هژماره‌كا یانێن خودان شیان دناڤا خولێ دا هه‌نه و دبینت ئێك ژ باشترین خولا یه ل سه‌ر ئاستێ جیهانێ له‌ورا بوو هه‌ر یاریه‌كێ پێدڤى یه ئه‌و به‌رهه‌ڤیێن باش بكه‌ن و رێزگرتنه‌كا مه‌زن به‌رامبه‌ر هه‌موو یانێن پشكدار بگرن ژبه‌ركو چ یارى ب سانه‌هى نین ل خۆلا لالیگا .
