رۆژا جيهانى يا فۆتۆيى دهێته ساخكرن
ئەڤرۆ نیوز ، زنار تۆڤی:
ل ژێر درووشمێ حەز ژێکرنا خوە بۆ فۆتۆیێ بەلاڤ بکەنە ڤە، رێکخراوا کوردستان فۆتۆ دێ کەرنەڤالێ کوردستان فۆتۆ، ب ھەلکەفتا رۆژا جیھانی یا فۆتۆیێ ل رۆژانێن 18-19-20 تەباخا 2019 ل سەر کەلھا ھەولێرێ برێڤە بەت.
شێرزاد رەسول فەقێ جێگرێ سەرۆکێ رێکخراوا کوردستان فۆتۆ بۆ ئەڤرۆ نیوز راگەھاند: ئەو وەک رێکخراوا کوردستان فۆتۆ دێ ب کەرنەڤالەکێ پشکداریێ د ڤێ رۆژا جیھانی یا فۆتۆیێ دا کەن، ئەو کەرنەڤالە ژی دێ ب نیشاندانا کامیرا وێنەگرێن دێرین یێن کورد ئەڤێ ھەلکەفتێ بلند راگرن، ل سەر ئاستێ کوردستانێ و عێراقێ و دەرڤە دا 45 فۆتۆگرافەر ب پێشانگەھەکا ھەڤبەش یا (پۆرترەیت) و بۆ ئێکەمین جار پێشانگەھا ھەڤبەش یا (مۆدێل) دێ پشکداریێ د رێکخراوا فۆتۆیا جیھانیدا کەت، کەرنەڤال دێ ل رۆژا دوشەمبێ 19 تەباخێ ل دەمژمێر 10:30 سپێدێ ل سەر کەلھا ھەولێرێ ل سەنتەرێ رەوشەنبیری یێ قەلا ب ھەماھەنگی ل گەل کۆمسیۆنا بلند یا ڤەژاندنا کەلھێ دێ ھێتە ڤەکرن و بۆ دەمێ سێ رۆژان دێ یا بەردەوام بیت.
