ئارارات خوه ژ هه‌ڤركيێن خولا كوردستانێ ڤه‌كێشا
ئه‌ڤرۆ نيوز:
ئه‌ندامێ ده‌سته‌يا كارگێريا يانا ئارارات يا وه‌رزشى دياركر د كومبونه‌كێ دا وان ب فه‌رمى بريار دا هه‌موو چالاكيێن خوه يێن وه‌رزشى راگرت ژ ئه‌گه‌رێ قه‌يرانا دارايى و نه‌بوونا پشته‌ڤانيێ.
زێده‌تر ئه‌نوه‌ر محه‌مه‌د دياركر وان بريار دايه پشكداريێ د چوو چالاكيێن وه‌رزشى يێن هه‌رێما كوردستانێ دا نه‌كه‌ن ژ ئه‌گه‌رێ نه‌بوونا پشته‌ڤانيێ و قه‌يرانا دارايى زێده‌بارى زێده‌بوونا قه‌رێن يانێ كو بۆ ماوێ دو سالايه نه‌شياينه قه‌ر و بهايێ هه‌ڤبه‌ستێن ياريزانێن خوه نه‌داينێ له‌ورا نه‌چاربووين هه‌موو چالاكێن خوه يێن وه‌رزشى بۆ وه‌رزێ 2019-2020 رابگرين هه‌تاكو چاره‌يه‌كێ ل ڤێ كێشێ دهێته كرن و مافێ ده‌ستبه‌ردانێ ژى دێ ده‌ينه هه‌موو ياريزانێن خوه به‌ر ب يانێن دى يێن هه‌رێمێ بچن ل ڤى وه‌رزى.
ناڤهاتى ئه‌و چه‌نده ژى دياركر نڤيساره‌كا فه‌رمى ژى وان ئارسته‌ى ئێكه‌تيا ته‌پا پێ و وه‌زاره‌تا روشه‌نبيرى و لاوان كريه و هاتينه ئاگه‌هداركرن ل سه‌ر ڤێ بريارێ.