كۆمپانیا جیهان رازیبوو ترۆمبێلان بده‌ته مامۆستایان
ئه‌ڤرۆنیۆز، سالار دۆسكى:
جێگرێ سه‌رۆكێ ئێكه‌تیا مامۆستایێن كوردستانێ ئه‌ڤرۆ سێ شه‌مبى رێكکه‌فتى 4/9/2019 ئاشكراكر كو كۆمپانیا جیهان رازیبوویه ترۆمبێلان بده‌ته مامۆستان و كار به‌ر ب دووماهیێ ڤه دچیت.
عه‌تا ئه‌حمه‌د جێگرێ سه‌رۆكێ ئێكه‌تیا مامۆستایێن كوردستانێ زێده‌تر بۆ مالپه‌رێ ئه‌ڤرۆ نیۆز گۆت: ( وه‌ك ده‌ستپێك كۆمپانى رازیبوویه ل سه‌ر دانا ترۆمبێلان ب قست بۆ مامۆستان، بتنێ ئه‌و مایه ئه‌ف پاره ب چ رێك بۆ كۆمانپیێ بهیێته ڤه‌گه‌راندن و هەکە ب رێكا بانكێ بیت دڤێت حوكمه‌تا هه‌رێما كوردستانێ وه‌زاره‌تا دارایى و ئابوورى و په‌روه‌رده پشكدارى ڤێ پرۆسێسێ بن).
جێگرێ ئێكه‌تیا مامۆستایێن كوردستانێ ئه‌و ده‌نگوباس ژی رهتكرن كو ئاماژه پێ دكه‌ن كو كۆمپانى رازی نه‌بوویه، به‌لكو رێكار ب دووماهى هاتینه و بتنێ مایه كۆمپانیا ناڤبرى ل گه‌ل وه‌زاره‌تا دارایى و په‌روه‌ردێ كومبیت و كار ل سه‌ر بكه‌ت كو ب رێكا بانكا ل سه‌رێن هه‌یڤان ژ مووچێ مامۆستا پارێن قستێ ترۆمبێلێ بهێنه راكرن.