یانا وى یا نوو دیاربوو
ئه‌ڤرۆ نیوز:
چاڤه‌رێ دهێته‌كرن ل هاڤینا بهێت هه‌ڤبه‌ستا گولچیێ هه‌لبژارتیێ ئیسپانیا و یانا مانچێسته‌ر یوناید دى خیا ب دووماهیى بهێت ل دویڤ راپورتێن رۆژنامه‌ڤانى ل برێتانیا ئه‌و گولچیێ ئیسپانى هه‌ڤبه‌ستا خوه نوو ناكه‌ت و دخوازیت ل هاڤینا بهێت ب هه‌ڤبه‌سته‌كا سه‌ربه‌رست به‌ر ب یانه‌كا نوو بچیت.
مالپه‌رێ فوتبول یێ ئیتالى دیاركریه یانا یوڤانتوس دخوازیت ل هاڤینا بهێت هه‌ڤبه‌ستێ ل گه‌ل گولچیێ یانا مان یوناید دى خیا یێ ئیسپانى ئیمزا بكه‌ت و نوكه پلانه‌ك دارشتى یه بوو ده‌ستڤه ئینانا شیانێن ئه‌وى گولچیێ ناڤبرى.
هه‌ردیسان ئه‌وى مالپه‌رى دیاركریه ژى یانا یوڤانتوس هه‌ر نوكه ده‌ست ب لڤیناكریه بوو ده‌ستڤه ئینانا ئه‌وى گولچیێ ناڤبرى تایبه‌ت پشتى ل ماوێ چه‌ند رۆژێن بورى داخوازیا ئێكىچ یا مانچێسته‌ر یوناید ره‌تكرى كو پشتى وێ یانا ئنگلیزى داخوازى ژێ كرى هه‌ڤبه‌ستا خوه ل گه‌ل یانێ درێژ بكه‌ت لێ ئه‌وى داخوازی ژ یانا خوه كر ده‌رفه‌تێ بده‌نێ هه‌تا ب باشى هزرا خوه بكه‌ت.
ژلایه‌كێ دیڤه رۆژنامه‌یێن ئیتالى دیاكریه دى خیا ناخوازیت هه‌ڤبه‌ستا خوه ل گه‌ل مانچێسته‌ر یوناید نوو بكه‌ت و دخوازیت ل هاڤینا بهێت ب هه‌ڤبه‌سته‌كا سه‌ربه‌رست ژ یانا خوه به‌ر ب یانه‌كا دى بچیت.