ده‌مژمێرا هه‌ڤالێ خوه دزی و یانێ ژى ئه‌ڤ بریاره ل سه‌ر دا
ئه‌ڤرۆ نیوز:
پشتى یاریزانێ یانا نیس یا فره‌نسى لامین دیابى دانپێدان ب دزیا ده‌مژمێرا ده‌ستى یا هه‌ڤالێ خوه كاسپر دولبیرگ كرى ئه‌وا بهایێ وى 70 هه‌زار یورۆ كو دیاركرى ئه‌وى ل ژورا گورینا یاریزان ده‌مژمێرا وى هه‌ڤالێ خوه ژێ دزیه .
رۆژناما لكیپ یا فره‌نسى دیاركریه كارگێریا یانا نیس یا فره‌نسى هزر ل وێ چه‌ندێ كریه هه‌ڤبه‌ستا یاریزانێ خوه لامین دیابى هه‌لوه‌شینن پشتى وێ چه‌ندا ل گه‌ل هه‌ڤالێ خوه كرى كو ده‌مژمێرا وى ژ ژورا گوهورینا یاریزانان دزى .
هه‌ردیسان وێ رۆژنامێ ئاشكراكریه ژى پشتى بورینا حه‌فتیه‌كێ لامین دانپێدان ب وێ دزیا خوه كر پشتى بوو رێڤه‌به‌رێ هونه‌رى یێ وێ یانێ پاتریك ڤیراى دیاركرى وى ده‌مژمێرا هه‌ڤالێ خوه یا دزى كو به‌رى وێ چه‌ندێ كاسپر گه‌له‌ك توره‌بوو كو سكالا ل بنگه‌هێ پولیسێن باژێرێ نیس توماركر بوو.
هه‌ژى گوتنێ یه كاسپر دولبیرگ یاریزانێ هه‌لبژارتیێ دانیمارك ل هاڤینا ئه‌ڤ ساله ب كوژمێ 18 ملیون یوریا ژ یانا ئه‌یاكس ئه‌مستردام هاتبوو ڤه‌گوهاستن بۆ ناڤ رێزێن یانا نیس یا فره‌نسى.
