داخوازیا ڤێ یانا به‌رنیاس ره‌تكر
ئه‌ڤرۆ نیوز:
راهێنه‌رێ به‌رنیاس یێ ئیتالى و یانا ئه‌نتر میلان یێ به‌رى نوكه لوتشیانو سپالیتى داخوازیا ئێك ژ به‌رنیاسترین یانێن ئورۆپى ره‌تكر.
روژناما كوریرى دیللو سپورت یا ئیتالى دیاركریه یانا میلان ل ماوێ چه‌ند رۆژێن بورى ب فه‌رمى ل گه‌ل راهێنه‌رێ به‌رنیاس یێ ئیتالى كه‌فتبوونه د دانوستاندنان دا ل جهێ راهێنه‌رێ خوه یێ نوكه ماركو گیامپاولو ئه‌وێ ل وه‌رزێ ئه‌ڤ ساله هه‌تا نوكه نه‌شیاى ئه‌نجامێن باش ب ده‌ستخوڤه بینت ل گه‌ل وێ یانێ .
ئه‌وێ رۆژنامێ ئاشكراكریه ژى به‌رپرسێن یانا میلان ب شێوه‌یێ نه‌هێنى ل گه‌ل سپالیتى كربوون لێ وى راهێنه‌رى داخوازیا وێ یانێ ره‌تكربوو و دیاركر ئه‌و هه‌تا نوكه گرێداى هه‌ڤبه‌ستا خوه یه ل گه‌ل یانا ئه‌نتر میلان .
سه‌ره‌راى كونتى نوكه راهێنه‌رێ یانا ئه‌نتر میلان لێ هه‌تا نوكه به‌رپرسێن وێ یانێ هه‌ڤبه‌ستا سپالیتى نه هه‌لوه‌شاندى یه ژبه‌ر ئه‌و كوژمێ مه‌زن یێ ل سه‌ر یانێ كو هه‌ر ده‌مێ یانا ئه‌نتر هه‌ڤبه‌ستا ئه‌وى هه‌لوه‌شاند پێدڤى یه 18 ملیون یورۆیا بده‌ته وى راهێنه‌رێ ناڤبرى كو هه‌ڤبه‌ستا ئه‌وى هه‌تا هاڤینا 2021 یه .
ل دووماهیێ وێ رۆژنامێ ئاشكراكریه ژى سپالیتى بوو به‌رپرسێن یانا میلان ئاشكراكریه ل گه‌ل راهێنه‌رێ خوه دبێنڤرهبن و ده‌ست ژ گڤاشتنا ل سه‌ر وى راهێنه‌رى به‌رده‌ن ژبه‌ركو وى راهێنه‌رى شیانێن مه‌زن هه‌نه و دێ شێت ل ماوێ بهێت ئه‌نجامێن باش بوو یانێ توماربكه‌ت.