دو راهێنه‌رێن به‌رنیاس چاڤه‌رێ كه‌فتنا ریال مه‌دریدن
ئه‌ڤرۆ نیوز:
راپورتێن رۆژنامه‌ڤانى ل ئیسپانیا وه‌سا داینه دیاركرن به‌رپرسێن یانا ریال مه‌درید ژ ئه‌نجامێن یانێ ل وه‌رزێ ئه‌ڤ ساله د رازى نینن تایبه‌ت د قاره‌مانیا چامپیونیس لیگ دا كو وه‌سا ژى هاتیه دیاركرن دبیت یاریا گه‌لاته‌سه‌راى دووماهیى ده‌رفه‌ت بیت بوو راهێنه‌رێ نوكه یێ یانێ .
رۆژناما موندو دیپورتیڤو یا ئیسپانى ئاشكراكریه ره‌وشا نوكه یا زێدان ل گه‌ل یانا ریال مه‌درید به‌ر ب لاوازبوونێ ڤه دچیت و هه‌ر ئه‌نجامه‌كێ نه چاڤه‌رێكرى ل یاریا به‌رامبه‌ر گه‌لاته‌سه‌راى ل وه‌لاتێ توركیا دێ رێیا یانێ ب زه‌حمه‌ت كه‌ڤیت بوو ده‌ربازبوونێ بوو قوناغا 16 و ئه‌ڤه ژى دێ بیته لاوازترین ئه‌نجام د مێژویا یانێ دا .
هه‌ردیسان وێ رۆژنامێ ئاماژه ب وێ چه‌ندێ ژى كریه كارگێریا یانێ ژى ل سه‌ر ئه‌وان ئه‌نجامێن یانێ یێن نوكه د رازى نینن تایبه‌ت قاره‌مانیا چامپیونیس لیگ و د بیت ب رێژه‌یا هه‌ره مه‌زن هه‌ر ئه‌نجامه‌كێ نه چاڤه‌رێكرى ل یاریا به‌رامبه‌ر گه‌لاته‌سه‌راى راهێنه‌ر بهێته گوهورین .
ل دووماهیێ وێ رۆژنامێ دیاركریه ژى نوكه هه‌ر ئێك ژ جوزێ مورینهو راهێنه‌رێ به‌رێ یێ مانچێسته‌ر یونایتد و ماسیملیانو ئه‌لیگرى راهێنه‌رێ به‌رێ یێ یوڤانتوس چاڤه‌رێ كه‌فتنا یانا ریال مه‌درید ژبه‌ركو نوكه ئه‌و هه‌ردو راهێنه‌ر دو ب هێزترین به‌ربژارن بوو وه‌رگرتنا پوستێ یانا ریال مه‌درید ل جهێ زێدان.
