توركیا فرۆكه نهبان نهدشیا كوردان
ههژین رێكانى
كوردان رۆلهكێ ههری مهزن گێرا د بهرهیێن جهنگی دا ب درێژاهیا مێژوویێ كورد ئازانه و خودان ئیرادهیهك مهزنن و ل گهل ئاخ و نشتیمانێ خوه راستگۆنه و ژێردهستیێ قهبوولناكهن ههر ئهڤه ئهگهر بوویه كورد سۆزێ بدهن ب جهنگن و بهردهوام بن و هیڤیێن خوه نهشكێنن و شهری ژ پێخهمهت ئازادیێ و ژبۆ ئاخێ بكهن و ب مۆرالهك بهرز و بێی بهرژهوهندیهك كهسایهتی، بهلكو بهرژهوهندیا گهلی و ژبۆ رزگاركرنا ئاخا خوه دجهنگن و دشێن ل ههمبهری هێزهكا مهزن ژ وهلاتهكێ مهزن براوهستن كو ئهو وهلات ب ناڤێ توركیا ئهنداما قولپا ناتۆ، خودان دانیشتوانهك مهزن و ژمارا زێده یا سهربازان و خودان چهكهكێ مهزنه و بۆدجهیهكا مهزن یا سهربازی ههیه و ئهو ئابوورا ب هێز ههیه كو بشێت ب ههردو شهرێن زهمینی و ئاسمانی پشكداربن و فرۆكهیێن كوالێتیا بلند یێن جهنگی بكاربینن و د زانستێ شهری دا شهرێ ئاسمانی ب لهزتر ئامانجێ دئینیت زیانێن گیانی كێمترن و بهرامبهری خوه پاشڤهدبهن و سهركهفتنێ دئینن، لێ د ههمان دهمدا ب وی چهكێ مهزن و ب ههردو شهرێن زهمین و ئاسمانی نهشیان ئیرادهیا گهلێ كورد بشكێنن ئهو گهلێ ب درێژاهیا مێژوویێ زۆرداری لێهاتیهكرن و ئهو گهلێ دهستدرێژی ل سهر سنۆرێن وان هاتیهكرن و ئهو گهلێ ب هزاران شههید داین و دهربهدهری و نهخۆشی دیتین، نهك ئهڤ ئۆپهراسیۆنه یا ب دژی وان، بهلكو چ ئۆپهراسیۆنهك نهشێت وان پاشڤهببهت، د راستی دا ئهگهر توركیا شهرێ ئاسمانی نهبایه ئهو نهشیان بهێنه بهرامبهر هێزێن كورد ل رۆژئاڤا ژبهر ئهڤێ هێزێ سهربۆرا جهنگی ههیه ژ 2015 ههتا نوكه روی ب روی چهندین جهنگان بووینه، ههروهسا نیازا توركان نه یا دروسته و ب ههر شێوازێ ههی ههولددهت داگیركهریا خوه رهوا بكهت سهرهرای كوشتنا وهلاتیێن سڤیل زاروك و ژنان خوه ژ راستیێ ڤهدشێریت و ب رێیا راگههاندن و مزگهفتێن خوه كوشتنا كوردان حهلال دكهت و ب بههانهیا پاراستنا سنۆران، سنۆرێن رۆژئاڤا دبهزینیت و ب ئارمانجا سرینهوهیا جوگرافیا كوردان و نههێلانا نهتهوهیا كورد، ئانكو پهیام و ئارمانجا ئوردوغان ژ ئێك جودایه و سهرڤه رویهك نیشاددهت دبێژیت و د جێبهجێكرنێ دا سهرپێچی یا دكهت و ئارمانجهك دن ل پشت ئاخفتنێن وی یه ئارمانج نه پاراستنا سنۆرایه، لێ جیهان ب گشتی ئاگهداره ل سهر تاوانێن ئوردوغان و ل سهر جینۆسایدا گهلێ كورد ل رۆژئاڤا.
