بایكۆت!
نیوار محهمهد سهلیم
بایكۆت، دابڕین ژ بهرههم و كهرهسێن توركى، ئهو پهیڤه یا د ڤى ماوهیى بوویه بهنیشتێ سۆشیال میدیایێ و وهكو ههرجار ژى بێ پلان و بێ خواندنهكا دروست سهرهدهرى ل گهل دهێته كرن.
ههتا بشێین بایكۆتێ ژ تشتهكى بكهین پێدڤیه مه پتر ژ پێگوهۆڕهكى ههبیت و خواندنهكا باش بۆ وێ چهندێ هاتبیته كرن، نه ههر تشتێ د بازارى دا هاته دیتن بێژین ئهڤه پێگوهۆڕێ ڤى تشتى یه.
ههكه خواندنهكا نهیا زانستى و سهرڤه ژى بۆ بابهتى بكهین، دێ دیار بیت كو ئهم نهیێن چو بایكۆتاینه. ههكه ئهم تهماشهیى بهرههمێن ڤهخوارنێ بكهین؛ ئاڤ، شهربهت، شیر، قههوه، ڤهخوارنێن غازى و هێزێ و گهلهك كهرستێن ژ ڤى رهنگى ههكه ژ توركیا نههێن ژى ئالاڤێن وان و كهرستێن وان یێن خاڤ و داگرتنێ ههموو ژ توركیا دهێن.
ههكه خوارنێ بكهینه نمۆنه؛ برنج، ساڤار ب ههڤشێوێن خوه ڤه، نیسك، نوك، فاسۆلى ل گهل كهساتیان ههموویان ژى ههر ژ توركیا دهێن. ههكه هندهك كهس بێژن مه پێگوهۆڕێن ڤان كهرستان ههموویان یێن ههین ژى، د راستى دا ئهو پێگوهۆڕێن گهلهك لاوازن بۆ نمۆنه ههكه ئهم بێژین مه برنجێ خومالى یێ ههیى، راسته مه یێ ههیى بهلێ د سهر ههبوونا ڤێ رێژا هندا مهزن یا برنجێ توركى ب ههمى جۆڕێن خوه ڤه برنجێ كوردى یێ باش كیلۆ ب پێنج هزاران دهێته فرۆتن، ههكه برنجێ توركى ب چ رهنگا نههێته ناڤ كوردستانێ و پشتبهستنێ ل سهر یێ كوردى بكهین، باوهرم دێ كیلۆ ههتا بیست هزار دیناران ژى چیت و وهكو سالێن نۆتان، دبیت حهفتیێ جارهكێ ژى خهلكى شیان نهبن برنجى بخۆن. ئهڤه برنج یێ ل ههرێمێ دهێته چاندن، دێ نیسك و نۆك و فاسۆلى و تشتێن دى چ كهن یێن ل ههرێمێ ههر نههێنه فرۆتن؟ بهرههمێن سپیاتیان و مریشكێ ب ههمى رهنگان بههرا شێرى یا توركیا یه.
ههكه شرینى و چهرهزاتان وهربگرین؛ كێك، نهستهله، چكلێت، بسكێت و چهرهزات ب رێژا 90% ژ توركیا دهێن و باوهر ناكهم ب رێژا 5% ژى كریار ل سهر ڤان كهرستێن ئیرانى ههبن ژ بهر كو جوداهیهكا گهلهك مهزن د كوالێتیا وان دا ههیه، ههكه ههر مه یێن خوه نینن.
ئهلكترۆنیان ژى وهكو ههموو كهرهستێن دى ب رهنگهكێ گهلهك زێده د ناڤ مالێن مه دا توركى نه و ئهڤێن توركى ژى نه چینى یه، بازرگانێن مه گهلهك ژ دوژمنێن مه خرابتر ئهڤ ئهركه ب ستوویێ خوه ڤه گرتیه و خرابترین كوالێتى ل ههموو دنیایێ بۆ ههرێما كوردستانێ دروست كرینه.
دبیت هندهك كهس ههبن بێژن ئهم دشێین جلكێن نهتهوى ل بهرخوه بكهین، دبیت ههتا رادهكى ئهڤه دشیان دابیت ب تایبهت یێن ژنان كو دشێن بۆ ماوهكێ دیاركرى جلكێن كوردى ل بهرخوه بكهن و پهرۆكێ وان ژ وهلاتێن عهرهبى یان هندێ بهێت، بهلێ باوهر بكهن بۆ زهلامان ئهو ژى گهلهك یا ب زهحمهته، ژ بهر كو پهرۆكێ جلكێن نهتهوى یێن كوردى ژى ههر ژ توركیا دهێت.
چ پێدڤیه بكهین:
پێدڤیه حوكمهتا ههرێما كوردستانێ گرنگیهكا زێدهتر بدهته بهرههمێ ناڤخوه بۆ نمۆنه ل ههرێما كوردستانێ گهلهك كارگههێن بهرههمئینانا كهرهستێن خوارنێ یێن ههین، هاریكاریا وان بهرههمئینهران بهێتهكرن كو بشێن شیانێن بهرههمئینانێ زێده بكهن و رێ بۆ بازرگانێن دژى خۆش بكهن دا كو ههمان كار ل ههرێمێ بكهن ب رهنگهكى پێدڤیا ههرێما كوردستانێ ژ هندهك بهرههمێن ژ توركیا دهێن ل ههرێمێ بهێنه دابینكرن ژنوو رێ لێ بهێته گرتن كو ژ توركیا بهێن، نه ههر ئێك ژ دهف خوه بێژیت دێ بایكۆتا تشتێ توركى كهم و د راستى دا نهشێت بكهت، وهكو وى گرۆپێ خوه ل دهۆكێ راگههاندنى كو دێ بایكۆتا تشتێ توركى كهت و جلكێن وان ههموو كهسێن ل وێرێ ئاماده بووین توركى بوون و ههكو ڤهگهریاینه مال ژى گهلهك ژ وان ل پێش زنجیرێن توركى روونشتن و شهڤبێریا خوه وهسان ب سهر بر.
وهرن دا پێكڤه بایكۆتا وان تشتان بكهین یێن ئهم دشێین پاشى رێ بۆ تشتێن دژى خوهش بكهین وهكو دشیان دایه بۆ گهشتوگۆزارێ وهلاتى نهچنه توركیا، چونكو ههر تشتهكه ژیان بێ وێ یا ب كێماسى نابیت و ههر ژى دشیان دایه مفاى ژ هندهك جهێن دى ببینن بۆ گهشتوگۆزارێ.
وهرن پێكڤه گڤاشتنێ ل سهر كهنالێن ناڤخوهى و یێن ئهسمانى ژى بكهن و زنجیرێن توركى رابگرن. تیتالێن توركیا بایكۆت بكهن؛ شێوازێ نوو یێ ستایلێ گهنجێن ههرێمێ ههموو یێ بوویه ستایلێ ڤان ئهكتهرێن تورك، خوه ژێ بدهنه پاش. ل ناڤ شههیانان ژى شێوازێ نوو یێ خهنایێ نههێلن ئهو ژى یێ توركیا یه و یێ بێژیت خهلكێ باكوورێ كوردستانێ ژى ڤێ چهندێ دكهت، بهلێ ئهو ژى دكهن، بهلێ د راستى دا ئهو پهرۆكێ سۆر كلتۆرێ توركیایه و ژ ئالایێ وان یێ سۆر هاتیه.
ئهڤ ههردو كاره دشیانێن ههموو مرۆڤان دایه بكهن و د ههمان دهم دا، داهاتێ توركیا ژ ڤان ههردو كهرتان ژ ههر بهرههمهكێ دى زێدهتره ل رێزبهندیا پێشیێ یێن داهاتێ توركیا دهێن.
