به‌رشه‌لۆنا بریارا دووماهیێ ل سه‌ر چوونا راكیتچ دا
ئه‌ڤرۆ نیوز:
ده‌نگوباسێ چوونا ستێرا كرواتى و یانا به‌رشه‌لۆنا ئیڤان راكیتچ رۆژ بوو رۆژێ گه‌رمتر لێ دهێت مالپه‌ره‌كێ جیهانى دیاركریه یانا به‌رشه‌لۆنا هزر ل فروتنا وى یاریزانى كریه ل ڤه‌گوهاستنێن بهێت.
مالپه‌رێ ESPN” یێ جیهانێ ئاشكراكریه یانا به‌رشه‌لۆنا هزر ل فروتنا ئیڤان راكیتچ كریه ل ڤه‌گوهاستنێن زڤستانا بهێت پشتى وى یاریزانى داخوازى ژ یانێ كرى دخوازیت په‌یوه‌ندى ب یانه‌كا دى بكه‌ت ژبه‌ركو ده‌لیڤه‌یا كرنا یاریێ بوو وى ل به‌رشه‌لۆنا كێم بوویه.
هه‌ردیسان وى مالپه‌رى دیاركریه ژى به‌رپرسێن به‌رشه‌لۆنا ل سه‌ر داخوازیا راكیتچ رازیبوونه و دیاركریه هه‌ر یانه‌كا كوژمێ 25 هه‌تا 30 ملیون یورۆیا پێشكێشى یانێ بكه‌ت دێ ده‌ستا ژ شیانێن وى به‌رده‌ت.
ل دووماهیێ وێ رۆژنامێ دیاركریه ژى چه‌ند یانێن به‌رنیاس ل ئورۆپا حه‌زا ئیمزاكرنا وى یاریزانێ كرواتى هه‌یه لێ یانا ژ هه‌موویان نێزیكترین ئه‌نتر میلان یا ئیتالى یه كو ماوه‌كێ درێژه ئه‌و یانا ئیتالى بزاڤێن ڤه‌گوهاستنا وى یاریزانى دكه‌ت.
