زێدان: یاریا ئه‌وان یا ئه‌ڤ شه‌ڤه نابیته یا دووماهیێ
ئه‌ڤرۆ نیوز:
بریاره ئه‌ڤ شه‌ڤه ل ده‌مژمێر 11:00 شه‌ڤ یانا ریال مه‌درید ل یاریگه‌ها خوه ل گه‌ل یانا گه‌لاته‌سه‌راى یا توركى بكه‌ت ژ چارچوڤێ یاریێن گه‌را چارێ ژ قوناغا كومان یا قاره‌مانیا چامپیونیز لیگ .
راهێنه‌رێ فره‌نسى و یانا ریال مه‌درید زێدان به‌رى ڤێ یاریێ بوو ده‌زگه‌هێن راگه‌هاندنێ دیاركر ئه‌و دخوازن یاریه‌كا نایاب پێشكێش بكه‌ن و ئارمانجا ئه‌وان بتنێ بوو سه‌ركه‌فتنێ و به‌رده‌وامى بده‌نه هه‌ڤركیێ بوو ده‌ربازبوونێ بۆ قوناغا 16 ژ قاره‌مانیێ .
هه‌ردیسان ناڤبرى دیاركر ژى ئه‌و ناخوازیت ئه‌و ڤێ یاریێ وه‌كو هیڤیا ئه‌وان یا دووماهیێ ب هژمێریت ژبه‌ركو هێشتا ئه‌وان دو یاریێن دى ژى ماینه و باوه‌ریه‌كا مه‌زن ب شیانێن تیما خوه هه‌یه دێ شێت پلێتا ده‌ربازبوونێ ب ده‌ستخوڤه بینن .
سه‌باره‌ت نه ئاماده‌بوونا بێل ناڤبرى دیاركر ئه‌وى دخواست ئه‌و یاریزان ل گه‌ل ئه‌وان دا بیت لێ ژبه‌ر كارێن وى یێن تایبه‌ت ئه‌و ل ماوێ بورى ژ پێكهاتیێ یانێ دوركه‌فتى یه و هیڤى دكه‌ت زیترین ده‌م ب ڤه‌گه‌ریته دناڤا رێزێن یانێ ژبه‌ركو یاریزانه‌كێ گرنگه ل ناڤا پێكهاتیێ ئه‌وان دا.
سه‌باره‌ت چوونا گارس بێل ل ڤه‌گوهاستنێن بهێت زێدان ئاشكراكر چ راستى بوو ئه‌وێ چه‌ندێ نینه بێل دخوازیت ئه‌و یێ به‌رده‌وام بیت هه‌تا دووماهیا ڤى وه‌رزى.
ل دووماهیێ سه‌باره‌ت هاتنا مباپێ راهێنه‌رێ ریال دیاركر نوكه ئه‌و یاریزانێ یانا پاریس سانجێرمان و ئه‌و نزانیت كا ل پاشه‌رۆژێ دێ چ رویده‌ت لێ به‌رى نوكه ئه‌و یاریزان یێ ئاماده‌بیت یاریێ بوو یانا ریال مه‌درید بكه‌ت و خه‌ونا وى بوو یارى ل ڤێ یانێ بكه‌ت.
