داخازا لێبورینێ ژ جه‌ماوه‌رێ وه‌لاتێ خوه كر
ئه‌ڤرۆ نیوز:
راهێنه‌رێ هه‌لبژارتیێ رومانیا كوزمین كونترا پشتى خوساره‌تیا مه‌زن یا شه‌ڤا بورى ل گه‌ل هه‌لبژارتیێ ئیسپانیا ب پێنچ گولان بێ به‌رامبه‌ر ده‌ست ژ كاركێشانا خوه ژ پوستێ راهێنه‌ریا هه‌لبژارتیێ رومانیا راگه‌هاند پشتى نه‌شیاى هه‌لبژارتیێ وه‌لاتێ خوه ب ده‌ربازى قاره‌مانیا یورۆیا 2020 بكه‌ت.
كونترا د گونگرێ رۆژنامه‌ڤانى دا راگه‌هاند ئه‌ركێ وى ل گه‌ل هه‌لبژارتیێ وه‌لاتێ وى ب دووماهیى هات و داخازا لێبورینێ ژ جه‌ماوه‌رێ رومانیا كر كو ئه‌و نه‌شیا ئه‌وا ئه‌و بخوازن بوو بكه‌ن ئه‌وژى گه‌هشتن بوو قاره‌مانیا یورۆیا 2020 و هه‌ردیسان سوپاسیا ئێكه‌تیا ته‌پا پێ یا رومانیا كر كو ئه‌وان ل ماوێ دو سالێن بورى ده‌لیڤه‌یا راهێنه‌رى دا یێ.
هه‌ردیسان ناڤبرى دیاركر ژى داخازا سه‌ركه‌فتنێ بوو هه‌لبژارتیێ وه‌لاتێ خوه دكه‌م ل ماوێ بهێت لێ ئه‌و پێدڤى گوهورینه‌كا مه‌زن ل هه‌لبژارتیێ رومانیا ژبه‌ركو گه‌له‌ك یاریزان هه‌نه ده‌م هاتیه بهێنه گوهورین و ده‌لیڤه‌یێ بده‌نه یاریزانێن نوو.
هه‌ر چه‌نده هه‌تا نوكه ئێكه‌تیا ته‌پا پێ بریار ل سه‌ر ده‌ست كاركێشانا وى راهێنه‌رى نه‌دایه لێ ئه‌و راهێنه‌ر یێ رژده ل سه‌ر ده‌ست كاركێشانا خوه.
هه‌ژى گوتنێ یه كوزمین كونترا یێ 44 سالى دهاته هژمارتن ئێك ژ ستێرێن به‌رنیاس ل سه‌ر ئاستێ رومانیا دناڤبه‌را سالێن 1998 هه‌تا 2010 كو ل چه‌ندین یانێن به‌رنیاس ل سه‌ر ئاستێ ئورۆپا كریه ژ ئه‌وان میلان یا ئیتالى و ئه‌تله‌تیكو مه‌درید یا ئیسپانى و دینامو بوخارست یا رومانى.
