میسى داخوازى ژ به‌رشه‌لۆنا كر هه‌ڤبه‌ستێ ل گه‌ل ڤى یاریزانى ئیمزا بكه‌ن
ئه‌ڤرۆ نیوز:
راپورتێن رۆژنامه‌ڤانى یێن نیزَیكى یانا به‌رشه‌لۆنا ئاشكراكرینه ستێرا ئه‌رژه‌نتینى و یانا به‌رشه‌لۆنا لیونێل میسى داخوازى ژ به‌رپرسێن وێ یانا كه‌ته‌لونى كرینه ل ڤه‌گوهاستنێن هاڤینا بهێت هه‌ڤبه‌ستێ ل گه‌ل یاریزانێ هه‌لبژارتیێ ئیتالیا و ستێرا یانا فیورنتینا فیدیریكو كییزا ئیمزا بكه‌ن ئه‌وێ ل هێلا ناڤین دكه‌ت لایێ راست و چه‌پێ.
كییزا نوكه دهێته هژمارتن ئێك ژ باشترین یاریزانان ل سه‌ر ئاستێ خۆلا كاتشیو یا ئیتالى و نوكه بوویه جهێ گرنگیا هژماره‌كا یانێن مه‌زن ل ئورۆپا و هه‌ردو یانێن ئه‌نتر میلان و یوڤانتوس گرنگیه‌كا مه‌زن ب شیانێن ئه‌وى یاریزانى دایه.
ژلایه‌كێ دیڤه رۆژناما “لا ریبوبلیكا” دیاركریه چاڤه‌رێ دهێته‌كرن ل ڤێ حه‌فتیێ به‌رپرسێن فیورنتینا هه‌ڤبه‌سته‌كا نوو پێشكێشى كییزا بكه‌ن كو به‌رپرسێن وێ یانێ موچه‌یه‌كێ سالانه یێ 3.5 ملیون یورو ل گه‌ل پاداشێن تایبه‌ت به‌رهه‌ڤكریه پێشكێشى ئه‌وى یاریزانى بكه‌ت و هه‌كه ئه‌و یاریزان ل سه‌ر داخوازیا وێ یانێ رازى نه‌بوو وى ده‌مێ به‌رپرسێن وێ یانێ دێ ده‌رگه‌هێ چوونێ بوو وى یاریزانى ڤه‌كه‌ن لێ ب مه‌رجه‌كى ئه‌وژى هه‌ر یانا بخوازیت هه‌ڤبه‌ستێ ل گه‌ل وى یاریزانێ ناڤبرى ئیمزا بكه‌ت پێدڤى یه كوژمێ 100 ملیون یورۆیا وه‌كو بهایێ هه‌لوه‌شاندنا هه‌ڤبه‌ستێ پێشكێشى فیورنتینا بكه‌ن و ب ڤێ چه‌ندێ دبیت داخوازیا میسى ل سه‌ر به‌رشه‌لۆنا ب گرانى ب راوستیت .
