شنگار پێدڤی ب برین ساخكرنێ یه.. نه‌ك چ كانتۆنان
هه‌ر وه‌كو مه دیتی كو ئه‌و فه‌رمانا ل سه‌ر كوردێن ئیزیدیێن شنگارێ هاتی، بوویه ئه‌گه‌رێ ده‌ربه‌ده‌ركرنا خه‌لكی ده‌ڤه‌را شنگارێ و بووینه ئاواره ل هه‌رێما كوردستانێ, زۆر ژ زه‌لامێن وان كوشتن و نامووس و مالێ وان ژی برن و ئه‌ردێ وان ژی ده‌سته‌سه‌ركر, له‌وما ڤێ چه‌ندێ خه‌لكێ شنگارێ زۆر برینداركریه و ئه‌ڤ برینه پێدڤی ساخكرنێ نه نه‌ك كووركرنێنه, دڤێت برینێن وان بهێنه ساخكرن ب شێوه‌یه‌كێ دروست دا چ فه‌رمانێَن دیتر ل سه‌رێ وان نه‌هێنه‌ڤه, خه‌لكێ شنگارێ خه‌لكێ مه‌نه و ئه‌ركێ مه‌یه ئه‌م هاریكاریا وان بكه‌ین و هاریكاریا وان ژی ناخوازیت كو ئه‌م چ كانتۆنان بۆ وان رابگه‌هینین به‌لكو دڤێت ئه‌م به‌رژه‌وه‌ندیا وان بدانینه به‌رجاڤ ب تایبه‌تی كو خه‌لكێ بیانی، نابیت چ بریارا بده‌ن پێش خه‌لكێ شنگارێ ڤه, به‌لكو ڤی خه‌لكی ب تنێ مافێ بریارێ یێ هه‌ی ل سه‌ر راگه‌هاندنا چاره‌نڤێسێ خوه, له‌وما نه په‌كه‌كێ و نه یه‌دكێ و نه چ بیانیێن دیتر ژی ماف نینه چ بریاران ل پێش خه‌لكێ شنگارێ ڤه بده‌ن و ب تایبه‌تی ده‌مێ ریه سپی و مه‌زنێن شنگارێ ڤێ كانتۆنێ ره‌تبكه‌ن ئه‌ڤا پیلان بۆ هاتیه دانان ژ لایێ ئیرانێ و پارته‌كا سیاسی ل سلێمانی یێ ب رێكا په‌كه‌كێ و یه‌ده‌كێ ڤه.
بلا په‌كه‌كه و یه‌ده‌په شه‌رم ژ خوه بكه‌ن، چنكو یێن ل سه‌ر نان و ئاڤێن مه دژین و ڤان پیلانان بۆ خه‌لكێ مه دگێرن, بلا خه‌لكێ شنگارێ بزانن كو ڤان خۆفرۆشان نه شیاینه كانتۆنێن كوردستانا رۆژئاڤا بپارێزن هه‌تاكو كانتۆنا شنگارێ بپارێزن و ئه‌م یێ بارودوخێ كۆبانێ دبینین چاوایه و خه‌لكێ وان چاوا ئاواره بووینه و هه‌كه پێشمه‌رگه نه‌بایه نوكه هاتبا داگیركرن.
كانتۆنا شنگارێ بیلانه‌كا پیسه مه‌به‌ست ژێ كووركرنا برینێن خه‌لكێ شنگارێ نه دا به‌رده‌ام تووشی فه‌رمانان ببن هه‌تاكو خه‌لكێ شنگارێ بنبربن یان ئه‌ردێ خوه ژده‌ست بده‌ن, دیسا ژی مه‌به‌ست ژێ سه‌رۆك بارزانی یه، چنكو به‌رده‌وام یێ سه‌ركه‌فتنان بده‌ستخوه‌ڤه دئینیت ب تایبه‌تی كو جه‌نابێ وی یێ به‌رێز خوه‌ب خوه ل گه‌ل كوڕێن خوه پشكداریێ ل گه‌ل پێشمه‌رگه‌ی دا دكه‌ن بۆ ئازادكرنا ده‌ڤه‌ریێن كه‌تینه بن ده‌ستێ تیرۆرستێن داعشێ ڤه ژ وان ده‌ڤه‌ران ژی شنگارا برینداره. نه‌رازیبوون و ره‌تكرنا ڤێ كانتۆنێ ئه‌ركه‌كه ل سه‌ر ملێن خه‌لكێ شنگارێ ب تایبه‌تی ل سه‌ر ریهسپی و كه‌سێن خوه‌دان بریار و ل هه‌مان ده‌م دا ژی رسواكرنا وان لایه‌نان دڤێت بهێته‌كرن و بێ گیرۆبوون هه‌كه نه ئانكو رازیبوون.
.. . ئه‌فسه‌رێ مافپه‌روه‌ر
