شاره‌وانیا ئاكرێ كونگرێ خوه یێ روژنامه‌ڤانى گێرا
ئه‌ڤرۆ،سه‌باح زوهێر زێبارى:
بلند رزا زێبارى سه‌روكێ شاره‌وانیا ئاكرێ د كونگره‌كێ روژنامه‌ڤانى دا بۆ ده‌زڤه‌هێن راگه‌هاندنێ دا دیاركرن كو ل سالا 2019 پروژێن جورا و جور هاتینه جێبه‌جێكرن ل سه‌ر ئه‌ركێ باژێرڤانیێ ب كوژمێ 22ملیون و677 هزارا دینارا بوویه، ئه‌و ژى ل سه‌ر پێشینه‌یا باژێرڤانیێ 320ملیوون پروژه‌بووینه مینا ڤه‌كرن و سه‌خبێركرن و خوشكرن و تێكه‌لكرنا جادا و دروستكرنا ئاڤرێژا و دیوارێن پالپشت هاتینه دروستكرن.
سه‌روكێ شاره‌وانیا ئاكرێ گۆت ژى كو ب كوژمێ 49 ملیونا ئه‌و داهاتێ بۆ باژێرڤانیێ دمینیت 17% پروژێ نویژه‌نكرنا تورا ئاڤدانا جادێن سه‌ره‌كى ل ئاكرێ پێ هاتیه دروستكرن، هه‌روه‌سا ب كوژمێ 491 ملیون هژماره‌كا پارچه زه‌ڤیان هاتنه فروتن، ئه‌ڤ كوژمه ژبوو پروژێ نوژه‌نكرن و رێكخستنا جادێن سه‌ره‌كى ل ئاكرێ ب ته‌خه‌كێ قێری باینده‌ر و ب درێژاهیا پتر ژ 6كم جاده پێ هاتینه قێركرن.
ئاماژه دا وێ چه‌ندێ ژى كو ل سالا 2019 ێدا 22هزار و 9991 ته‌نێن گلێشی هاتینه راكرن ل سنورێ قه‌زا ئاكرێ و هه‌روه‌سا 300 ده‌ستوری بۆ ئاڤاكرنا ئاڤاهیان پێ هاتینه دان و (175) زێده‌گاڤى هه‌بووینه.
