به‌رشه‌لۆنا بوو ڤه‌گوهاستنێن بهێت 5 یاریزان به‌ربژاركرینه
ئه‌ڤرۆ نیوز:
به‌رپرسێن یانا به‌رشه‌لۆنا هزر ل وێ چه‌ندێ كریه ل ڤه‌گوهاستنێن بهێت رێككه‌فتنێ ل گه‌ل چه‌ند یاریزانێن نوو بكه‌ن بوو ئیمزاكرنا هه‌ڤبه‌ستا ئه‌وان ب هه‌ڤبه‌سته‌كا سه‌ربه‌ست كو به‌رپرسێن به‌رشه‌لۆنا چه‌ند ستێرێن خولێن ئورۆپى كرینه ئارمانجا خوه ل ماوێ بهێت رێككه‌فتنێ ل گه‌ل بكه‌ن بوو ئیمزاكرنا ئه‌وان ل دووماهیا وه‌رزێ ئه‌ڤ ساله.
رۆژناما سپورت یا كه‌ته‌لونى دیاركریه به‌رپرسێن به‌رشه‌لۆنا 5 یاریزان كرینه ئارمانجا خوه ل ڤه‌گوهاستنێن بهێت رێككه‌فتنێ لگه‌ل بكه‌ن و ل دووماهیا ڤى وه‌رزى پاش هه‌ڤبه‌ستێ ب فه‌رمى ل گه‌ل ئیمزا بكه‌ن كو چاڤه‌رێ دهێته‌كرن هه‌ڤبه‌ستا ئه‌وان هه‌ر پێنچ یاریزانان ل گه‌ل یانێن ئه‌وان ل هاڤینا بهێت ب دووماهیى بهێن و ب هه‌ڤبه‌سته‌كا سه‌ربه‌ست په‌یوه‌ندى ب هه‌ر یانه‌كا ئه‌و بخوازن بكه‌ن.
ئه‌و یاریزان ئه‌وێن خوارێ نه .
ستێرا به‌رازیلى و یانا چێلسى یا ئنگلیزى ویلیان كو ل هاڤینا بورى به‌رپرسێن به‌رشه‌لۆنا بزاڤێن مه‌زن كرن بوو ده‌ستڤه ئینانا ئه‌وى یاریزانى لێ ل دووماهیێ نه گه‌هشتنه رێككه‌فتنێ ل گه‌ل یانا ئنگلیزى.
كریستیان ئاریكسن یاریزانێ دانیماركى و یانا توتنهام یا ئنگلیزى كو ئه‌و یاریزان نوكه بوویه جهێ گرنگیا هژماره‌كا مه‌زن یا یانێن ئورۆپى.
داڤید سێلڤا یاریزانێ ئیسپانى و یانا مانچێسته‌ر سیتى كو به‌رشه‌لۆنا گرنگى ب ئینانا ئه‌وى یاریزانى ژێ دایه لێ ده‌نگوباس وه‌سا دیاردكه‌ن دبیت ب رێژه‌یا هه‌ره مه‌زن ئه‌و یاریزان دێ هه‌ڤبه‌ستا خوه ل گه‌ل مان سیتى بوو ده‌مه‌كێ دى درێژكه‌ت
جان فیرتونگین به‌ره‌ڤانێ به‌لجیكى و یانا توتنهام كو به‌رشه‌لۆنا نوكه لێگه‌ریانا به‌ره‌ڤانه‌كێ نوو دكه‌ت.
پێدرو یاریزانێ یانا چێلسى یا ئنگلیزى كو به‌رى نوكه بوو ده‌مه‌كێ درێژ یارى ل به‌رشه‌لۆنا كریه و ده‌نگوباس وه‌سا دیاردكه‌ن به‌رشه‌لۆنا هزر ل ڤه‌گه‌راندنا ئه‌وى یاریزانى كریه .
