مورینهو دخوازیت هه‌ڤبه‌ستێ ل گه‌ل ڤى یاریزانێ ریال مه‌درید ئیمزا بكه‌ت
ئه‌ڤرۆ نیوز:
راپورتێن رۆژنامه‌ڤانى ل برێتانیا ئاشكراكرینه راهێنه‌رێ یانا توتنهام جوزێ مورینهو داخوازى ژ به‌رپرسێن یانا خوه كرینه ده‌ست ب دانوستاندنان بكه‌ن ل گه‌ل یانا ریال مه‌درید بوو ڤه‌گوهاستنا ستێرا وێلزى و یانا ریال مه‌درید گارس بێل.
رۆژناما دیلى ئێكسپرێس یا برێتانى دیاركریه یانا توتنهام ل سه‌ر داخوازیا راهێنه‌رێ خوه مورینهو دخوازیت هه‌ڤبه‌ستێ ل گه‌ل ستێرا خوه یا به‌رى نوكه گارس بێل ئیمزا بكه‌ت و پشتى وى راهێنه‌رێ بوو به‌رپرسێن یانێ دیاركرى ئه‌وى پێدڤى ب شیانێن ئه‌وى یاریزانى هه‌یه.
هه‌ردیسان هاتیه دیاركرن ژى یانا توتنهام به‌رهه‌ڤیا خوه دیاركریه كوژمێ 26 ملیون جنیێ ئیسترلینى پێشكێشى یانا ریال مه‌درید بكه‌ت و ل گه‌ل كریستیان ئاریكسن به‌رامبه‌ر ده‌ست به‌ردانا گارس بێل.
