كوشتنا قاسم سولهیمانی ژناڤبرنا دیوارهكێ مهزن بوو د ناڤبهرا ئهمریكا و ئیرانێ دا!
د.جمعه عباس بندی – دهوك
خالا ئێكێ: ل دهستپێكێ قاسم سولهیمانی كییه ؟.
جهنهرال قاسم سولهیمانی (2020 ـ 1957)، سهركردهكێ ئیرانى یه و بهرپرسێ هێزا ( فیلق القدس)ـه، ههر ژ سالا 1998 حهتا رۆژا ژناڤبرنا وی ل سهر دهستێن هێزهكا ئهمریكی ب رێیا فرۆكهكا بێ فرۆكهڤان ل باژارێ بهغدا رێكهڤتی 3/1/2020 و ( فیلق القدس) هێزهكه ب سهر هێزێن پاسدارێن ئیرانێ ڤه ـ الحرس الپوری ـ بهلێ كار و ئهركێ وان ژ دهرڤهی ئیرانێ یه، پێخهمهت بهرفرههكرنا دهستههلاتا ئیرانێ ل دهڤهرێ وهك عیراق، سووریا، لبنان، یهمهن، فهلهستین و بهحرین و د ههمان دهمدا هاریكاریا ههڤپهیمانێن ئیرانێ ـ مادی ومعنوی ـ ژ پارت و لایهنێن سیاسی، مینا: حزب الله ل لوبنانێ و بزافا حهماس و جیهاد ل فهلستینێ و ئهنسار الله (حوسی) ل یهمهنێ و ل دووماهیێ حهشدا شهعبی ل عیراقێ.
ژ بهر ڤی رۆلێ مهزن و بهرچاڤ قاسم سولهیمانی دهاته هژمارتن وهك وهزیرێ دهرڤهیێ ـ فعلی ـ یێ ئیرانێ تایبهت بۆ ڤان وهلاتێن ناڤبری، دیسا حهتا رادهكێ مهزن دئێته گۆتن كو بریارا ئاشتی و شهڕی بۆ ڤێ دهڤهرێ د دهستێن قاسم سولهیمانی دا بوو، ژبهر ڤان خالان و گهلهكێن دی، قاسم سولهیمانی دهاته نیاسین كورێ نازدار ل دهف مورشدێ بالایێ ئیرانێ ئایهتوالله (عهلی خامنهئی).
خالا دووێ: هشیاریا ئهمنی ل دهڤ قاسم سولهیمانی:
دهم وجهـ و شێوێ جهنهرال قاسم سولهیمانی تێدا هاتیه كوشتن، خۆیا دكهن كو ناڤبری نه كهسهكێ ئهمنی و مخابراتی بۆ پله ئێك و د ههمان دهمدا، ئاشكرا دبیت كو قاسم سولهیمانی چ خواندێن كویر و بهرفرهـ و سهرانسهری نهبوون بۆ روودانێن عیراق و ل دهڤهرێ چێدبن و تایبهت د ناڤبهرا ئیران و ئهمریكا دا.
چنكو ههكه جهنهرال قاسم سولهیمانی، ئهو هشیاریا ئهمنی و مخابراتی ههبا، د دهمهك و جههكێ هۆسا دا، نه دهاته فرۆكخانا بهغدا و تایبهت ب شهڤ، كو ههمی جادێن باژارێ بهغدا چۆل و ڤهكری.
دیسا شێوێ ئهڤ روودانه ئاشكرا دكهت، كو ئهمریكا ژمێژه وهره یا شیایی ژ لایێ مخابراتی ڤه، بچیته ناڤا بازنێ بهرگێریێ و دهوروبهرێن قاسم سولهیمانی دا و باشترین بهلگه، ئهمریكا ههر ژ دهستپێكێ پێزانینێن دهمكى ههبوون ل سهر هاتن و دهمژمێرا فڕینا فرۆكا قاسم سولهیمانی ژ سووریا بۆ عیراقێ و د ههمان دهمدا پێزانینێن هوور ههبوون ل سهر وان ترومبیلان، ئهوێن دێ ناڤبری ژ فرۆكخانێ بهر ب سهنتهرێ باژێرێ بهغدا بن.
بێگومان ڤان پێزانینان دهستههلاتا سهركهڤتنێ دا هێزێن ئهمریكی دهم و جهێ گونجای ژێ بگرن ژبۆ ژناڤبرنا جهنهرال سلیمانی.
و ل دووڤ خواندنهكا چڕ و كویر ئاشكرا دبیت، بۆ نڤێسهرێ ڤی بابهتی كو ئارمانجا ئهمریكا پله ئێك كوشتنا قاسم سولهیمانی بوو و هاتنا ئهبۆ مههدی ئهلموههندس بۆ پێشهوازیا جهنهرال قاسم سولهیمانی بوو ئهگهرهكێ راستهوخوه بۆ كوشتنا وی، و دبیت ههبوون و هاتنا ئهبۆ مههدی ئهلهموههندس بۆ فرۆكخانا بهغدا، ل دووڤ داخوازا قاسم سولهیمانی بیت وهك مهتالهكێ سیاسی و لهشی ژبۆ پاراستنا وی ژههر هێرشهكا نهچاڤهرێكری، ژبهركو ئهبۆ مههدی ئهلموههندس كهسهكێ فهرمی و پلهبهرزه د ناڤا دهولهتا عیراقێ دا و تایبهت ل حهشدا شهعبی.
بێگومان كوشتنا قاسم سولهیمانی خالهكا سۆر بوو، ل دووماهیا ههمی رستێن سیاسی و ئهمنی و لهشكری یێن بۆ دهڤهرێ هاتینه نڤێسین و د ههمان دهم دا، شلقاندنهكا ب هێز بوو ل ههمی دهڤهرێ و تایبهت ژلایێ تێكهلكرنا ههمی كاغهزێن یاریێ و دوباره بهلاڤكرنا وان ل سهر یاریكهران، لێ ڤێجارێ سهنتهرێ یاریێ و ئالیاتێن وێ هاته ڤهگوهاستن بۆ سهر مێزهكا دی ل باژارێ بهغدا.
خالا سیێ: ئهگهرێن ژناڤبرنا قاسم سولهیمانی:
1ـ ئهمریكا ههر ژ سالا 2019 سۆپایێ پاسداران و فهیلهقا قودسا ئیرانی هژمارتینه وهك دو گرۆپێن تیرۆرست.
2ـ قاسم سولهیمانی یێ تاوانباره ژ لایێ ئهمریكا ڤه ب كوشتنا سهدان سهربازێن ئهمریكی و ههڤپهیمانێن وێ و تایبهت ل عیراقێ، ههر ژسالا 2003 حهتا نوكه.
3ـ قاسم سولهیمانی پلاندانهر و تاوانبارێ ئێكێ یه ل دهف ئهمریكا بۆ وێ هێرشكرنا مۆشهكی ل سهر بنگههێ هێزێن ئهمریكی (K1) ل كهركووكێ بهری حهفتیهكێ.
4ـ قاسم سولهیمانی سهرپهرشت و تاوانبارێ ئێكێ یه بۆ هێرشكرنا ل سهر بایلۆزخانا ئهمریكا، ژلایێ لاینگهرێن حهشدا شهعبی ڤه و تایبهت لایهنگهرێن (حزب الله) یا عیراقێ.
5ـ قاسم سولهیمانی گهفهكا راستهوخوه بوو ل سهر بهرژهوهندیێن ئهمریكا و تایبهت ل دهڤهرا رۆژههلاتا ناڤهراست.
6ـ قاسم سولهیمانی و فهیلق قدوس گهفهكا نهرحهت بوو ل سهر ههڤپهیمانێن ئهمریكا و مینا وهلاتێن كهنداڤی و ئیسرائیلێ.
7ـ قاسم سولهیمانی و فهیلق قودس گهڤهكا مهترسیدار بوو ل سهر بیرێن (نهفت و گاز)ێ و تایبهت نهفتا عیراقێ و كهنداڤی و كۆمپانیێن نهفتێ ـ ئارامكۆ ـ و رێیێن ڤهگوهاستنا نهفتێ و گازێ ل دهراڤێ هرمز و دهریا عهرهبا و دهریا سۆر.
8 ـ قاسم سولهیمانی و فهیلق قدوس سهرێ ههمی تیر و رمان بوو د ههڤركیا د ناڤبهرا ئهمریكا و ئیرانێ دا.
خالا چارێ: بۆچی ئهمریكا بهغدا ژێگرت بۆ ژناڤبرنا قاسم سولهیمانی؟.
1ـ مهزنترین و بهێزترین سۆپایێ ئهمریكا ل سهر ئاخا عیراقێ.
2ـ ل ههر جههكێ دی با، دڤیابا ئهمریكا ئهڤ كریاره ب دهستێن لایهنێ دی كربا و پهیدابوونا لایهنهكی بۆ كریارهكا هۆسا د ڤی دهمی دا كارهكێ ب زحمهته.
3ـ كوشتنا قاسم سولهیمانی ل ههر وهلاتهكێ دی با، ئانكو راستهوخوه ئهو وهلات یێ پشكداره د ڤێ كریارێ دا و ئهڤهژی وهك راگههاندنا شهریێ یه دژی ئیرانێ.
4ـ تاكه وهلات هێجهت ههی و دشیا ب ڤێ كریارێ رابیت، ژبلی ئهمریكا، ئیسرائیل بوو چ ل سهر خاكا سووریێ یان یا لوبنانێ، بهلێ ب ڤێ كریارێ، رێیا دهته ئیرانێ و ههڤپهیمانێن وێ مینا حزب الله و بزاڤا حهماس و جیهاد بۆ ههر هێرشهكێ ل سهر ئیسرائیلێ و ئهڤ چهنده ژی دا رویێ ههڤركیێ د ناڤبهر ئیرانێ و ئیسرائیل و ئهمریكا گوهۆریت.
5ـ كوشتنا قاسم سولهیمانی ل ههر وهلاتهكێ دی با، دبیت حهشدا شهعبی دهملدهست دهست ب كریارێن لهشكری كربا دژی لهشكرێ ئهمریكا ل سهر ئاخا عیراقێ، لهورا ئهمریكا شیا ب ڤێ كریارێ دو چویچكان ب بهرهكی بكوژیت.
6ـ ههبوونا رێكهفتنا ئهمنی و ستراتیجی د ناڤبهرا ئهمریكا و عیراقێ رێیێ دهته ئهمریكا، ههر كارهكی بكهت ژبۆ پاراستنا عیراقێ و ئهمریكا و بهرژوهندیێن ههردوۆیان.
7ـ بهغدا گۆرهپانا راستهوخوهیه بۆ ههڤركیا ئهمریكا و ئیرانێ و ناڤهرۆك و رۆخسارێن ڤێ ههڤركیێ دبێژن دو سهرێن مهزن د ڤێ قازانێ دا ناكهلن.
8 ـ كوشتنا قاسم سولهیمانی نامهكا ڤهكریه ژلایێ ئهمریكا ڤه بۆ ههڤپهیمانێن وێ، كو ئهمریكا چ تشتێن ڤهشارتی نینن ل گهل رژێما ئیرانێ ل سهر بهرژهوندیێن وان.
9ـ كوشتنا قاسم سولهیمانی نامهكا راستهوخوهیه بۆ پشتهڤانیا نیشادانێن بهغدا و دیسا نامهكا گرتیه بۆ دهستههلاتدارێن عیراقێ و تایبهت سهركردێن حهشدا شهعبی كو ئهمریكا دشێت گهلهك كریاران بكهت ههكه ڤیا بكهت.
خالا پێنجێ: كوشتن و پشتی كوشتنا قاسم سولهیمانی:
بێگومان جهنهرال قاسم سولهیمانی رۆلهكێ بهرچاڤ ههبوو د شهڕێ دژی داعش دا و ههمی رێكخراوێن چهگدار چ ل سووریێ بن، یان ل عیراقێ، دیسا رۆلهكێ مهزن ههبوو د دامهزراندنا حهشدا شهعبی دا ل عیراقێ.
و دووماهی هاتنا ههر شهرهكی دبیته ئهگهرهك بۆ نههێلانا قههرمانێن وی شهڕی، چ ژلایێ سیاسی و لهشكری ڤه بیت، یان ژلایێ ژناڤبرنا لهشی بیت، و كوشتنا قاسم سولهیمانی نهیا دووره ژڤێ سیناریۆیێ و تایبهت گهر هندهك وهلاتێن دی ل گهل ئهمریكا پشكداربن ژبۆ نههێلانا قاسم سولهیمانی دا، مینا سووریێ و لوبنانێ و عیراقێ و تایبهت ژ لایێ مخابراتی ڤه و نهیا دووره هندهك تایێن ئیرانێ ژی پشكداربن د ڤێ كریارێ دا ب رێیا گههاندنا پێزانینان ل دۆر دوبهركی و ههڤركیا ل سهر كهسێ قاسم سولهیمانی و كریارێن وی د ناڤبهرا مورشدی و حوكمهتا ئیرانێ.
لهورا نهیا دووره باژێرێ ئهدلب دیاریا رژێما سووریێ بیت بهرامبهر ههڤكاریا وان د ڤێ كریارێ دا، و د ههمان دهم دا رژێما سووریێ شیا ب دهستێن ئهمریكا خوه ژ گهلهك گرێك و رێكهفتنان خلاس كهت و تایبهت ئهوێن قاسم سولهیمانی لایهن تێدا.
دیسا ل دووڤ بۆچوونا نڤێسهرێ ڤی بابهتی كوشتنا قاسم سولهیمانی، دێ دهرگهههكێ دانوستاندێ ڤهكهت د ناڤبهرا ئهمریكا و ئیرانێ دا، چونكو ل دووڤ چاڤدێرێن سیاسی، قاسم سولهیمانی ئێك ژ دیوارێن بلند و ب هێزبوو د ناڤبهرا ئهمریكا و ئیرانێ دا و نهمانا ڤی دیواری دێ گهلهك تشت هێنه گوهۆرین، و بێگومان دێ وهلاتێ سۆیسرا رۆلهكێ مهزن ههبیت، بۆ ڤێ پێنگاڤێ، ب حوكمێ ههمی دانوستاندنێن بادهكا ئهتۆمی یا ئیرانێ (شهش + ئێك) یێن ل جنێڤ دهستپێكرین و ههر ل وێرێ ب دووماهی هاتین.
دیسا یا فهره بهێته گۆتن ب كوشتنا قاسم سولهیمانی دهڤهر ههمی دێ پتر بهر ب نهرمیێ ڤه چیت و تایبهت د ناڤبهرا ئیرانێ و وهلاتێن كهنداڤی دا و سهر پشكا وان سعوودیێ.
سهبارهت ههلویستێ حوكمهتا ههرێما كوردستانێ ل بهرامبهر ڤێ كریارێ، دڤێت ههلۆیستهكێ پڕی حیكمهت بیت د ناڤبهرا مێژوویا درێژا كۆمارا ئیسلامیا ئیرانێ دا ل گهل بزاڤا رزگاریخوزا گهلێ كوردستانێ و د ههمان دهم دا، بهلانسا بهرژهوهندیا حوكمهتا ههرێمێ ل گهل ئهمریكا بهرچاڤ بهێته وهرگرتن، دیسا نابیت ههلویستێ بهغدا پشتگوهـ بهێته هاڤێتن.
خالا شهشێ: تێبینیێن گشتی:
1ـ كوشتنا تاكهكهسان ب ههر هێجهتهكا ههبیت، ژلایێ دهولهتان ڤه كریارهكا دویره ژناڤهرۆكا پهیدابوونا بنیاتێ دهولهتان، و دڤێت ئیران ژی ڤێ خالێ ل بهرچاڤ وهربگریت ل بهرامبهر موعارهزا ئیرانی، ڤێجا چ كوردبن یان ههر ئێكێ دی بیت.
2ـ شهڕ د ناڤبهرا دو وهلاتان دا، جۆرهكێ دیێ دانوستاندنێ یه، بهلێ ب زمانی یان بۆ من یان بۆته یان خوهرادهستێن مهرجێن مه بكه.
3ـ رۆل و هێزا پێزانینان بۆ وهلاتان بهێزتره ژ گهلهك جۆرێن چهكی، وهلاتهكێ وهكی ئهمریكا ب پێزانینێن خوه، سهركهڤتی بهری بكارئینان چهكێ خوه.
4ـ گهلهك جاران سوشیال میدیا و دهزگههێن موخابهراتی هندهك كهسان وهسا مهزن دكهن، داكو دهمێ ژناڤببهن بته كریارهكا بێوێنه ژ قههرمانیێ.
5ـ ژێگرتنا دهم و جهی، گهلهكا فهره بوو وهشاندنا ههر دربهكی بۆ دوژمنی.
6ـ د ههڤڕكیێ دا، نابیت تو پشتا خوه بدهیه دوژمنی، یان تو باوهریا خوه پێ بینی یان باوهر ژێ بكهی.
7ـ لاوازترین خال ل دهف وهلاتێن رۆژههلات، دهمێ دوور دكهڤیت ژ سیستهمكرنا دامودهزگههێن دهولهتێ و پشتبهستن ل سهر تاكهكهسان، ئهڤجا ب چوونا ڤان تاكهكهسان دوهلهت پێ دههژیێت.
8 ـ زیرهكیا دروست ئهوه، دڤێت تو باش بزانی دێ ل كیڤه ترسی و ل كیڤه نابیت تو ب ترسی.
