توڤێ گەنمی و نه‌مامان ل سەر جۆتیاران دهێتە بەلاڤ کرن
ئەڤرۆ نیوز،عەلی حاجی :
رێڤەبەرێ چاندنێ ل زاخۆ د داخویانیەکێ دا بۆ ئەڤرۆ نیوز دیار کر ل دووف بەرنامەیێ هاتیە دانان ل دەست پێکا ئەڤ سالە دا دەست ب بەلاڤکرنا چەند نه‌مامێن دارێن فێقی و توڤێ گەنمی ل سەر جۆتیاران هاتیە کرن.
زێدەتر ئەحمەد سامی گۆت : ل دووف پلانا حوکمەتا هەرێما کوردستانێ هاتیە دانان ب مەرەما پشتەڤانی کرن ل کەرتێ چاندنێ ل دەست پێکا ئەڤ سالە ٨٢ تەنێن توڤێ گەنمێ پەسەند کری ژلایێ حوکمەتا کوردستانێ ڤە ل سەر جۆتیارێن دەڤەرا زاخۆ ب هەر سێ ناحیان ڤە هاتە بەلاڤ کرن کو کێمتری ٦٠٪ ژ بهایێ دناڤ بازاری دا ب جوتیاران هاتە دان و زێدەباری وێ چەندێ هەر ل دوماهیا هەیڤا ١٢ یا سالا بوری دەست ب بەلاڤ کرنا نه‌مامێن دارێن پێنچ جورێن فێقی ل زاخۆ هاتیە کرن بۆ سەر جۆتیاران کو ئەو شتلێ داران پێک دهێن ژ ( حلیک و هنار و مێو و هەژیر و مشمش ) بۆ ڤێ چەندێ ژی ٢٠ هزار نه‌مامێن داران نوکە بەردەستن و بەردەوام ل سەر جۆتیاران بەلاڤ دکەین .
ناڤهاتی گۆت ژی : بەلاڤ کرنا وان نه‌مامێن دارێن فێقی ب رێژا ٨٠٪ ژ بازاری کێمتر ب جۆتیاری دهێنە دان و ئەڤ هەوە دێ بەردەوام بیت هەتا کو ئەو رێژا دەست نیشان کری هەمی دهێتە بەلاڤ کرن و هەکە ژ وێ رێژێ زێدەتر ژی هاتە بەلاڤ کرن ئەم دشێن داخازا رێژەیەکا زێدەتر یا نه‌مامێن وان داران بکەین و ئەم ب هيڤی نە سال بۆ سالێ رێژا بەرهەمێ چاندنێ ل سنورێ دەڤەرا زاخۆ زێدەتر بکەین .
