وه‌لاتیه‌كی هنده‌ك جهێن تایبه‌ت بۆ گیانه‌وه‌رێن كیڤی دروست كرینه
ئه‌ڤرۆ، زنار تۆڤی:
وه‌لاتیه‌ك رابوویه ب دروستكرنا هنده‌ك سندۆقێن داری ژ بۆ گیانه‌وه‌رێن كیڤی داكو ل وه‌رزێ زڤستانێ خوه ژ سه‌رمایێ بپارێزن و ل گه‌ل هندێ خوارنێ ژی د ده‌ته وان.
ئه‌ندازیار و وێنه‌گر عسمه‌ت مایی ئێكه ژ وان كه‌سان كو گه‌له‌ك خزمه‌تا گیانه‌وه‌رێن كیڤی دكه‌ت، د دیداره‌كێ دا بۆ رۆژناما ئه‌ڤرۆ دیار كر، ل وه‌رزێ زڤستانێ ئه‌و كۆمه‌كا سندۆقێن داری ل ناڤا ئاقاری و ده‌ردورا گوندێ مایێ ل ده‌ڤه‌را به‌رواری بالا د دانیت، داكو گیانه‌وه‌رێن كیڤی یێن وه‌كو سڤۆران و چیچكان و جۆرێن دیتر یێن گیانه‌وه‌ران و دچنه دناڤا وان سندۆقان دا و خوه ژ سه‌رما زڤستانێ د پارێزن، ئه‌ڤه چه‌ندسن ساله ل وه‌رزێ زڤستانێ ئه‌و ڤی كاری ئه‌نجام د ده‌ت، د هه‌مان ده‌م دا ئه‌و خوارنێ ژی د ده‌ته وان گیانه‌وه‌ران، پرانیا جاران ئه‌و كاكلێن گویزان و نانی و گه‌نمی دكه‌ته د وان سندۆقان دا، داكو ل ده‌مێ بارینا به‌فرێ ئه‌و گیانه‌وه‌ره وێ خوارنێ بخۆن.
ناڤهاتی دبێژیت: ئه‌و گه‌له‌ك یێ دلخۆشه ب چێكرنا وان سندۆقان بۆ گیانه‌وه‌رێن كیڤی و وی ب خوه ئه‌و سندۆقه چێكرینه، وی ل به‌ره هنرده‌م حڤمه‌تا گیانه‌وه‌رێن كیڤی بكه‌ت و ئه‌و ڤێ چه‌ندێ ب ئه‌ركێ خوه دزانیت، وی دڤێت خه‌لكێ مه ژی هه‌رده‌م گیانه‌وه‌ران بپارێزن، چونكی ئه‌و گیانه‌وه‌ره جوانیه‌كا تایبه‌ت دده‌نه ژینگه‌ها مه.
