سێ پرۆژێن گرنگ ژلایێ ئیدارا مووسل بۆ شێخان دهێنه بجهئینان
ئه‌ڤرۆ نیوز، بارزان مزووری:
وه‌سیم غانم حه‌نون رێڤه‌به‌رێ شاره‌وانیا قه‌زا شێخان سه‌ر ب مووسل ڤه بۆ ئه‌ڤرۆ نیوز گۆت: بكۆژمێ زێده‌تری 956 ملیون دینارا سێ پرۆژێن گرنگ بۆ سه‌نته‌رێ باژێرێ شێخان دهێن دروست كرن ژلایێ رێڤه‌به‌ریا گشتی یا شاره‌وانیا پارێزگه‌ها مووسل.
ناڤهاتی خۆیاكر پرۆژێ ئێكێ پرۆژێ دروست كرنا رێكه‌كا سه‌ره‌كی بۆ كه‌مپا شێخان یا ئاواران و بۆ تاخێن نوی یێن دكه‌ڤنه سه‌ر ڤێ رێكێ ب درێژاهیا 1300م پانیا رێكێ 30م ژلایێ شاره‌وانیا شێخان ب هه‌ماهه‌نگی دگه‌ل رێڤه‌به‌ریا گشتی ڤه دهێت دروست كرن رێژا 10% كار ل سه‌ر پرۆژه‌ی هاتیه كرن، پرۆژێ دووێ پرۆژێ دروست كرنا پاركه‌كێ یه ل سه‌ر رۆبه‌رێ 12 هزار مه‌تر چارگوشه دناڤ سه‌نته‌رێ باژێرێ شێخان دهێته دروست كرن ژلایێ كومپانیه‌كێ ڤه دێ كار ل سه‌ر دروست كرنا وێ هێت كرن ب سه‌رپه‌رشتیا شاره‌وانیا قه‌زا شێخان تایێ مووسل ڤه،پرۆژێ سیێ پرۆژێ دروست كرنا باژێرێ یاریا ل سه‌ر رۆبه‌رێ 8 هزار مه‌تر چارگۆشه دناڤ سه‌نته‌رێ باژێری ژبه‌ركۆ ئه‌و جهێ نها ئه‌و باژێر دهێت دروست كرن سه‌ر ده‌مێ حكومه‌تا به‌عس ئه‌و جهه باژێریا یاریا بۆ به‌لێ هات بۆ خراپكرن ل وی جهی ئه‌ڤ باژێره دهێت دروست كرن ژلایێ كومپانیه‌كێ ڤه كار دێ ل سه‌ر هێت كرن ب سه‌رپه‌رشتیا شاره‌وانیا شێخان تایێ مووسل ،ڤان هه‌ردوو پرۆژان د نها دا كارێ ده‌سپێكێ یێ بۆ دهێته كرن.
وه‌سیم غانم حه‌نون هه‌ردوو پرۆژێن پاركێ و یێن باژێرێ یاریان دێ باژێرێ شێخان گه‌له‌ك ئینه پێش چاڤ و دێ خزمه‌ته‌كا مه‌زن بۆ خه‌لكێ شێخان گه‌هینن ژبه‌ركۆ چ پرۆژێن بڤی شێوه‌ی هه‌تا نها نه‌هاتیه دروست كرن ،
ناڤهاتی زێده‌تر گۆت ل سالا بوری 2019 بكۆژمێ 1ملیارۆ 390 ملیون دینارا رێكێن ناڤ سه‌نته‌رێ شێخان یێن هاتین دروست كرن ب درێژاهیا 2 هزارۆ 100 م كه‌فتینه د خزمه‌تا وه‌لاتیێن قه‌زایێ دا كار ل سه‌ر دوماهیك هاتیه.
