به‌رپرسه‌كێ پارتی: داعش ل ده‌وروبه‌رێن كه‌ركووكێ زۆر یا بهێز كە‌تی
ئه‌ڤرۆ نیۆز، قائید میرۆ:
لڤینێن چه‌كدارێن داعش ل سنورێ پارێزگه‌ها كه‌ركووكێ به‌ره‌ف زێده‌بوونێ دچن و به‌رپرسه‌كێ پارتی ژی زێده‌بوونا لڤینێن داعش بۆ لاوازیا هێزێن عێراقی ڤه‌دگه‌ڕیت.
عه‌دنان كه‌ركووكی، ئه‌ندامێ ئه‌نجوومه‌نێ سه‌ركردایه‌تیا پارتی ل كه‌ركووكێ بۆ ئه‌ڤرۆ نیۆز دیاركر” داعش ل ده‌ڤه‌رێن ده‌وروبه‌رێ كه‌ركووكێ زۆر یا بهێز كه‌تی و لڤینێن خوه زێده‌كرینه، بتایبه‌تی ل هنده‌ك ده‌ڤه‌ران مه‌ترسی په‌یداكریه و ده‌ستهه‌لاتژی هه‌تا راده‌یه‌كی هه‌یه، هێزێن ئه‌منی و سه‌ربازیێن عێراقێ تنێ دناڤا باژێڕان هه‌نه و نه‌شێن رێكێن سه‌ره‌كی كۆنتڕۆلبكه‌ن، هه‌تا ئه‌و خالێن پشكنینێ یێن لسه‌ر رێكێن سه‌ره‌كی هه‌نه بشه‌ف دهێنه چۆلكرن ژلایێ عێراقێ ڤه.
لدۆر پشكنینا تاخێن كوردا ژلایێ هێزێن عێراقی ڤه عه‌دنان كه‌ركووكی گۆت” ئه‌ڤا ل تاخێن كوردان دهێته‌كرن چو په‌یوه‌ندی ب داعشڤه نینه، به‌لێ دخوازن وه‌لاتیێن كورد بهێنه نه‌چاركرن كه‌ركووكێ چۆلبكه‌ن و مخابن هێزێن نوكه ل كه‌ركووكێ هه‌نه بۆ ژناڤبرنا داعش نه‌هاتینه، به‌رۆڤاژی بۆ ته‌عریب و زۆلمێ هاتینه كه‌ركووكێ.
