ئاریشا ئاڤا گۆندەکێ مەسیحیان هاتە چارەسەر کرن
ئەڤرۆ نیوز،عەلی حاجی:
د داخویانیەکێ دا رێڤەبەرێ ناحیا رزگاری بۆ ئەڤرۆ نیوز دیار کر پشتی پێشینیارا چارەسەرە کرنا گۆندێ دێرەبوونا مەسیحیان ژلایێ وان ڤە هاتیە داخاز کرن کۆمپانیا DNO ئەو پرۆژەیە ب ستویێ خوە ڤە گرت و چارەسەر کر.
ئەندازیار سەروەر دێوالی بۆ ئەڤرۆ نیوز گۆت : ل دەست پێکێ کۆمپانیا نەرویژی یا دەرئینانا پترۆلێ رابوو ب دانانا بیرتەوازیەکێ ب کۆژمێ زێدەتر دەفتەر و نیڤ و ل دووف دا ل قوناغا دووێ رابوو ب دانانا ژۆرەکێ بۆ وێ بیرتەوازیێ و دانانا تورەکێ ب درێژیا دو هزار مترێن ئاڤێ و کۆمکرنا ئاڤێ ب بەرفرەهیا ٢٠ مترێن سێ جارکی و ئەڤ پرۆژەیە تێچوویێ وێ نێزیکی هەشت دەفتەرێن دۆلاری بوون و ئه ڤ گۆنده نێزیکی ١٠٠ مالێن مەسیحی و ٢٠٠ خێزانێن ئاوارەیان تێدا دژین و ڤی گۆندی ئاریشەیا ئاڤێ هەبوو ژبەر کو ئەو ئاڤا ل دەوروبەرێن گۆندی پر بوو ژماددەیێن کبریتێ لەورا پشتی ڤەکرنا ڤی پرۆژەیی ئێدی ئەو ئاریشە دناڤ ئاڤا ڤی گۆندی دا نەما و ئەو پرۆژەیە هاتە ڤەکرن و کەڤتە د خزمەتا خوە جهێن وی گوندی دا .
