مولیده‌یێن كه‌هره‌بێ و زیانێن وێ یێن ساخله‌م
ره‌شید فه‌تحی
ئه‌ڤ ئاریشه‌یا كه‌هره‌بێ و موه‌لیده‌یان، رۆژ بۆ رۆژ مه‌زنتر و ستویرتر لێدهێت و دكه‌ڤیته سه‌رئێك، د ناڤبه‌را خودانێن موه‌لیدان و هه‌ڤوه‌لاتیان دا، چونكو لیژنه‌یێن سه‌رپه‌رشت و سه‌ندیكایان چو چاره‌سه‌ریێن گونجاى بۆ ڤێ ئاریشێ نه‌دیتینه ژ به‌ر نه ژدل ئه‌نجامدانا لیژنه‌یێن حكومى هێزا سه‌ندیكایان و ئێكه‌تیێن پیشه‌یى كو ل دووماهیێ باندۆرا وان ب نه‌رێنى ل سه‌ر مله‌تى ره‌نگڤه‌دده‌ت كو ئه‌و هه‌ر ئه‌ون ژێده‌رێ ده‌ستهه‌لات و سه‌ندیكایان و هێمایێن وان. كو هه‌رده‌م گه‌ل دمینیت زیاندارێن ژ هه‌مى لایه‌نێن خزمه‌تگوزارى و مادى و ساخله‌مى ڤه.
له‌ورا فه‌ره ل سه‌ر ده‌ستهه‌لاتان قانوون و رێنمایان بدانن بۆ كارێ موه‌لیدان و چاره‌سه‌ركرنا كێماسیان بۆ به‌رژه‌وه‌ندیا گه‌ل و نه‌ك به‌ره‌ڤاژى و گوهارتنا ڤان لیژنه‌یان ب هنده‌ك كه‌سێن دیتریێن نه‌زیه كو خوه‌دیى دادوه‌ری بن و نه‌كه‌ڤن بن گێولێ خودانێن موه‌لیدان. كو بهایێ ئه‌مپیرى ل پارێزگه‌ها دهۆكێ هه‌ر وه‌كو پارێزگه‌هێن دیتر بیت، به‌لێ ئه‌وێن كو نه‌كه‌ڤنه ل ژێر ڤان بریارێن ده‌ستهه‌لاتێ یان لایه‌نێ مه‌عنى یان به‌رسنگى وان دگرن بۆ پێشكێشكرنا وان بۆ دادگه‌هان ب تۆمه‌تا سڤككرنا گه‌ل یان كار ل دژى به‌رژه‌وه‌ندیا وان. هه‌روه‌سا ده‌سته‌سه‌ركرنا مه‌وه‌لیدان و دانانا كرێكاران هه‌تا هنده‌ك مولیده‌یێن دیتر بداننه جهێ وان هه‌تا كو گوهداریا فه‌رمانێن ده‌ستهه‌لاتێ بكه‌ن و یا باشتره ئه‌وه ئه‌ندامێن لیژنه‌یان بهێنه گوهارتن ب هنده‌ك دیتر ل ناڤبه‌را ده‌مه‌كى و ئێكێ دیتر و خوه سه‌ندیكا ژى ب هنده‌كێن دیتر كو بهێنه ناسین ب ژیبوونا خوه بۆ گه‌لێ خوه و به‌رژه‌وه‌ندیا وى و باشه هه‌مى بزانن كو به‌رژه‌وه‌ندیا گه‌ل ل سه‌ر هه‌میان دایه، چونكو هه‌ر گه‌له ده‌ستهه‌لاتا بلند ل ده‌وله‌تێ و نابیت سه‌ندیكا و ئێكه‌تی بۆچوونێن خوه ل سه‌ر یێن گه‌ل بسه‌پینن یان لیژنه‌یێن حكومى، چونكو به‌رژه‌وه‌ندیا ڤان جۆره گرۆپان ده‌ستنیشان كرینه و بۆ به‌رژه‌وه‌ندیا سه‌كته‌رێن وان یێن به‌رته‌نگه.
له‌ورا فه‌ره ل سه‌ر ده‌ستهه‌لاتان چاره‌سه‌ریێن ریشالى بینن بۆ ڤێ ئاریشێ و تایبه‌ت چاره‌سه‌ریا كه‌هره‌با نشتیمانى بۆ پاراستنا ژینگه‌هێ و ل به‌رچاڤوه‌رگرتنا مافێن مرۆڤى، هه‌ر وه‌سا ژى زێده‌كرنا به‌هرا دهۆكێ ژ كه‌هره‌با نشتیمانى، یان دانانا ویستگه‌هێن گه‌له‌ك مه‌زن ب رێیا نه‌مایشكرنا كۆمپانیێن كه‌هره‌بائى و نه‌هێلانا ڤان موه‌لیدان و كو بهایێ ئه‌مپێرى یێ گونجاى بیت هه‌ردو لایه‌نان ل به‌رچاڤوه‌ربگرن یان نه‌مایشكرنان بۆ هنده‌ك كۆمپانییان پێشكێش بكه‌ت ل جهێ وى كه‌سێ گوهێ خوه نه‌ده‌ته فه‌رمانێن ده‌ستهه‌لاتێ.
و/ ئه‌ڤرۆ
