نێزیكى نمرا روبێرتو كارلوسى بوويه
ئه‌ڤرۆ نیوز:
ستێرا هێلا به‌ره‌ڤانیا یانا ریال مه‌درید و هه‌لبژارتیێ به‌رازیل مارسێلو ب پشكداریا خوه د یاریا شه‌ڤا بورى ل گه‌ل یانا ریال مه‌درید به‌رامبه‌ر سه‌ره‌گوزا ژ چارچوڤێ یاریێن قوناغا 16 ژ كاسا شاهێ ئیسپانیا شیا هژمارا یاریێن خوه یێن فه‌رمى ل گه‌ل ریال مه‌درید ب گه‌هینته 500 یاریان .
مالپه‌رێ ئوپتا یێ تایبه‌ت ب ئامارێن یاریزانان ڤه ئاشكراكریه مارسێلو شیا هژمارا یاریێن خوه ل گه‌ل یانا ریال مه‌درید ب گه‌هینته 500 یاریێن فه‌رمى د هه‌موو ئه‌و قاره‌مانیێن یانێ تێدا پشكدارى كرى هه‌ر ژ هاتنا ئه‌وى و هه‌تا نوكه .
هه‌ردیسان هاتیه دیاركرن ژى كو مارسێلو د بیته یاریزانێ دوێ د مێژویا یانێ دا كو خودان نه ره‌گه‌ز ناما ئیسپانى هژمارا یاریێن خوه یێن فه‌رمى ب گه‌هینته ڤێ نمرێ و ل رێزا دوێ دهێت د مێژویا یانێ دا پشتى وه‌لاتیێ وى و ستێرا به‌رێ یا هه‌لبژارتیێ به‌رازیل و یانا ریال مه‌درید روبێرتو كارلوس پشكدارى د 527 یاریان دا كرى ل گه‌ل یانا ریال مه‌درید.
