نووری حمە عەلی: چەکدارانی داعش بە ڕۆژدا دشداشە و عەگالیان دەگەڕێن و بەشەودا کاری تیرۆرستی دەکەن
ئەڤرۆ نیۆز عەزیز هەورامی:
فەرماندەی گشتی میحوەری ڕۆژئاوای کەرکوکی هێزی پێشمەرگەی کوردستان دەڵێ، پاشماوەکانی داعش بونەتە مەترسی لە سنوورەکانی کەرکوک.
نوری حمە عەلی فەرماندەی هێزەکانی پێشمەرگەی کوردستان لە میحوەری ڕۆژئاوای کەرکوک، بە ئەڤرۆ نیۆزی ڕاگەیاند، جوڵەی داعش لە سنووری گوند و ناحیەکانی کەرکوک زیادییان کردووە، خۆپێشاندان و پشێوییەکانی عێراق زیاتر ڕێخۆشکەرە تیرۆرستانی داعش خۆیان ڕێکبخەنەوە.
لە پاش ۱٦ـی ئۆکتۆبەری ۲۰۱۷ کشانەوەی هێزی پێشمەرگە لە ناوچەکانی دەرەوەی ئیدارەی هەرێمی کوردستان، داگیرکردنی لە لایەن سوپا و میلشیاکانی حەشدی شەعبی عێراق، بەهاوکاری دەستی ناخۆی کوردی دروستبوونی بەوشایی تەناهی پاشماوەکانی تیرۆرستانی داعش حەشارگەیان بنیات ناوەکاری تیرۆرستی دەکەن.
فەرماندەکەی هێزی پێشمەرگە دەڵێ، لە خوار قەزای دووبسەوە بۆ میحوەری شەش لەو ناوچانە چەکدارانی داعش بە فراوانی هەیە، بە ڕۆژدا عەگال دەکەنە سەریان و دشداشەوە دەگەڕێن و شەوانیش چەک هەڵدەگرن و کاری تیرۆرستی ئەنجام دەدەن.
زیاتر دەڵێ، هەمیشە وەک هێزی پێشمەرگە مەترسی داعش لەو ناوچانە و فراوان بونیان هۆشداریمان داوە، سەدان چەکدار دەبن بەڵام هیچ مەترسێکی لەسەر سنووری هەرێمی کوردستان نییە پشتێنەی ئەمنی بەهێزمان داناوە.
هەروەها ئاماژەی بۆ ئەوەشکرد، لە ململانێ و کێشەکانی عێراق گروپە تیرۆرستییەکان خۆیان ڕێکخستووە، ئێستەش لەو خۆپێشاندان و پشێویانەی شەقامی عێراقی گرتووەتەوە، کشانەوەی بەشێکی هێزەکانی عێراق بۆ ئەوپارێزگایانەی خۆپێشاندانی تێدایە، تیرۆرستانی داعش بە فرسەتی دەزانێت و هێزەکانی ڕێکدەخاتەوە.
لە سنووری کەرکوک و خانەقین چەکدارانی تیرۆرستی داعش هێرش دەکەنە سەر هاوڵاتیانی سڤیل و هێزە ئەمنییەکان، تائێستە هێزەکانی حەشدی شەعبی و سوپا و پۆلیسی فیدڕاڵی عێراق نەیان توانیوە سەیتەرە بە سەر پاشماوەکانی داعشدابکەن و ناوچەکە کۆنتڕۆڵبکەن.
