بورجێ كۆمپانیه‌كا په‌یوه‌ندیان ل سه‌ر بانێ قوتابخانه‌كێ هاته ڤه‌مراندن
ئه‌ڤرۆ نیوز، عه‌لی حاجی :
پشتی نوچه‌یێ نه‌خوه‌ش كه‌ڤتنا هه‌شت ماموستایان ب ئێشێن گران ل دو قوتابخانه‌یێن زاخۆ ژ ئه‌گه‌رێ بورجه‌كێ په‌یوه‌ندیان ب رێیا ئه‌ڤرۆ نیوز به‌لاڤ بویی،ب بریارا قایممقامیا زاخۆ ئه‌و بورجه هاته ڤه‌مراندن و ئێدی نابیت ب چو ره‌نگان كار بكه‌ت .
وه‌لات هه‌جه‌ر ژ قایممقامیا زاخۆ بۆ ئه‌ڤرۆ نیوز گوت: (پشتی نوچه‌یێ نه‌خوه‌ش كه‌ڤتنا هه‌شت ماموستایان ل ئاماده‌ییا پێشه‌سازیا زاخۆ به‌لاڤ بوویی و هه‌ر زوو وه‌كو قایممقامیا زاخۆ ئه‌م هاتینه سه‌ر خه‌ت و د ماوه‌یێ ڤان دو روژێن بوری دا مه هه‌ولێن خوه باشتر كرن و ب راسپارده و برییاره قایممقامێ زاخۆ بوتان محسن بورجێ په‌یوه‌ندیان ل سه‌ر بانێ وێ قوتابخانێ هاته ڤه‌مراندن و ئێدی نابیت ب چو ره‌نگان كار بكه‌ت و هه‌تا كومیانی وی بورجی ل سه‌ر بانێ وێ قوتابخانێ راكه‌ت و ل دور ڤێ چه‌ندێ مه قوتابخانه و رێڤه‌به‌رێ په‌روه‌ردێ و كومپانیا په‌یوه‌ندیان ب خوه ژی ل سه‌ر ڤێ چه‌ندێ ئاگه‌هدار كری یه و ژلایێ خوه ڤه ژی وه كو كاره‌كێ ته‌كنیكی كومپانیێ بورجه‌كێ گه‌روك دانایه جهه‌كێ دیتر هه‌تا بشێت ئاریشه‌یا خوه چاره‌سه‌ر بكه‌ت) .
و گوت ژی نوكه چو مه‌ترسی ل سه‌ر ژیانا قوتابی و ماموستایان دناڤ قوتابخانه‌یان دا نه‌ما و مه بریار ژی دایه ئه‌و بورجه بهێته راكرن و ئه‌م ژی چاڤه‌رێ كومپانیێ نه هه‌تا وی بورجی راكه‌ت و سه‌رباری هه‌می گڤاشتنان به‌لێ رژد بوین ل سه‌ر بریارا خوه پێخه‌مه‌تی پاراستنا گیانێ هاولاتیان.
