پشتی 45 سالان جهه‌ك ل باتیفا دهێته خراب كرن
ئه‌ڤرۆ نیوز، عه‌لی حاجی :
رێڤه‌به‌رێ ناحیا باتیفا د داخویانیه‌كێ دا بۆ ئه‌ڤرۆ نیوز دیار كر ده‌رازینكا ناحیا باتیفا خانیه‌كێ بێ سه‌روبه‌ر هه‌بوو و ببو ئه‌گه‌رێ كرێت كرنا دیمه‌نێ باژێرێ پشتی 45 روژان ئه‌ڤرۆ ئه‌و خانی هاته لادان و ل جهێ وێ دێ بیته پاركه‌ك بۆ خه‌لكێ باتیفا.
زێده‌تر دلشێر عه‌بدولسه‌تار گوت: (د بنه‌ره‌ت دا ل سه‌ر ده‌مێ رژێما به‌عس ئه‌و جهه دهاته ب كارئینان بۆ كارێن ئه‌منی به‌لێ پشتی سه‌رهه‌لدانێ دو خیچزانێن ده‌رامه‌ت وه‌كو جهێ ئاكنجی بونێ ئه‌و جهه بۆ خوه ب كار ئینان و پشتی چه‌ندین هه‌ولێن به‌رده‌وام ئه‌ڤرۆ ب رێیا خێرخواز حه‌جی مه‌شهود قه‌ره‌بوو ب سه‌ر وان دو خێزانا و چار كه‌سێن دیتر هاته دان كو ئه‌و ئه‌رد یێ وان چار كه‌سان بوو و هه‌ر ئه‌ڤرۆ ل روژا دو شه‌مبێ ده‌ست ب خراب كرنا وی جهی هاته كرن و هه‌ر ب رێیا وی خێرخوازی و ل سه‌ر داهاتێ وی ئه‌و پاركه هێته ئاڤا كرن بۆ خه‌لكێ باتیفا و وه‌كو حكومه‌تا خو جهی ژی دێ هاریكار و پشته‌ڤان بین هه‌تا ئه‌و پروژه ب سه‌ركه‌ڤتیانه ب دوماهی دهێت).
و گوت ژی وه‌كو حكومه‌تا خوه جهیا باتیفا سوپاسیا خێرخواز حه‌جی مه‌شهود دكه‌ین كو ئه‌ڤه بۆ جارا گه‌له‌كێ ده‌ستێ هاریكاریێ درێژ دكه‌ت و ئاریشه‌یان چاره‌سه‌ر دكه‌ت وپشتی ئاڤا كرنا وێ پاركێ دێ جوانیه‌كا دیتر ده‌ته ده‌رازینكا ناحیا باتیفا .
