ل شێخان 11 كه‌س ب رویدانێن هاتنوچوونێ بریندار بووینه
ئه‌ڤرۆ نیوز، بارزان مزووری:
به‌رپرسێ په‌یوه‌ندی و راگه‌هاندنا رێڤه‌به‌ریا هاتن و چوونا پارێزگه‌ها دهوك دیار كر د ماوێ 24 ده‌مژمێرا دا ل شێخان سێ رویدانێن هاتنوچونێ دا 11 كه‌س بریندار دبن بۆ نه‌خوشخانا شێخان یا گشتی دهێت ڤه‌گوهاستن.
موقه‌دمێ ماف په‌روه‌ر ئازاد تاها به‌رپرسێ په‌یوه‌ندی و راگه‌هاندنا رێڤه‌به‌ریا هاتنوچوونا پارێزگه‌ها دهوك بۆ ئه‌ڤرۆ نیوز گۆت: (رویدانا ئێكێ ل ده‌مژمێر 9:30 خوله‌ك شه‌ڤ رێكه‌فتی4/2/2020 ل سه‌ر رێكا سه‌ره‌كیا شێخان بۆ دهوك ل نێزیك گه‌لیێ دێركێ رویدانه‌ك دناڤبه‌را ترۆمبێله‌ك پیكاب نیسان و پیكاب شوفرلێت رۆیدا د ئه‌نجام دا شه‌ش كه‌س بریندار دبن ،رویدانا دووێ ل ده‌مژمێر 1:30 خوله‌ك شه‌ڤ رێكه‌فتی 5/2/2020 ل سه‌ر رێكا سه‌ره‌كیا شێخان بۆ كومه‌لگه‌ها مه‌هه‌ت ل نێزیك گوندێ بێتنارێ رۆیدانه‌ك دناڤبه‌را ترۆمبێله‌ك بارهه‌لگر كه‌یا موتورس و ترۆمبێله‌ك تایبه‌ت شوفرلێت ئوپترا رویدا د ئه‌نجام دا دوو كه‌س برینداربون).
ناڤهاتی خویاكر رویدانا سیێ ئه‌ڤرۆ ده‌مژمێر 3:00 ئیڤاری دناڤ سه‌نته‌رێ كومه‌لگه‌ها چره رویدانه‌ك دناڤبه‌ر دوو ترۆمبێلێن بارهه‌لگر و ترۆمبێله‌ك تایبه‌ت رویدا د ئه‌نجام دا زه‌لامه‌ك و دوو ژن بریندار بون زیانێن مه‌زن ب ترۆمبێلا تایبه‌ت كه‌فتن ژبه‌ركو ترۆمبێل كه‌فته دناڤبه‌را هه‌ردوو ترۆمبێلێن بارهه‌لگر.
