ژنا كورد هه‌ژارترین چینا جڤاكى یه!
رێژین عه‌لى بامه‌رنى
ئه‌نفال پرۆسه‌ك بوو ژبۆ قڕكرن و ژناڤبرنا ملله‌تێ كورد ژ هه‌ر لایه‌كى ڤه جۆره كاره‌ساته‌ك و مه‌رگه‌ساته‌ك بوو، بۆ ئه‌نجام گه‌هاندنا مه‌زنترین پرۆسا كۆمكوژى و ژناڤبرنا گشت پێكهاته‌كا جڤاكى، كه‌لتوورى، ئابوورى، ئاینى، گشت بنه‌مایێن ژیانا تاكێ كورد ڤه گرێداى، تایبه‌ت هه‌كه ژلایێ جڤاكى ڤه به‌رێ خوه بده‌ینێ و خێزانێ وه‌ربگرین، دێ بینن كا چاوا باب ب ستوونا خێزانێ ڤه دهێته ناسكرن، د هه‌مان ده‌م دا دایك ب بنیاتێ ئاڤاكرنا خێزانێ و بنگه‌هێ زانینن و په‌روه‌ردێ دهێته هژمارتن ئافره‌تا كورد پاشماوێن ئه‌نفالان ژى د ڤێ گێله‌شۆكا جڤاكێ كورده‌واری دا مه‌زنترین قوربانى یاداى ژلایه‌كى ڤه، ب رۆلێ بابى رابوویه، ده‌مێ زه‌لام ژده‌ستداى، ژلایه‌كێ دی ڤه، ب په‌روه‌رده‌كرنا زارۆَیێ بێ باب رابوویه وه‌ك دیار هه‌ژارترین چینا جڤاكى یه ڤێ هه‌ژاریێ كارتێكرنه‌كا نه‌رێنى كریه سه‌ر ره‌وشت و ژیارا وێ و رۆلێ دایكوباب د ناڤ خێزانێ دا گێرایه ئه‌ڤێ چه‌ندێ ژى وه‌لێكریه كو بیته‌كه سایه‌تیه‌ك خوه گوریكه‌ر بارێ ده‌روونێ وێ هاتیه تێكدان، چونكى هه‌رده‌م ترسا ژ ده‌ستدانێ لایێ هه‌بوویه، ده‌رئه‌نجام ئافره‌ته‌ك خه‌مۆكى ، بێ ئۆمێد، بێ هیڤى، باوه‌رى بخوه نه‌بووى ژێ په‌یدابوویه، هه‌كه ئه‌م ته‌ماشه‌ى په‌روه‌رده‌یاخوه بكه‌ین، دێ بینن شوونوارێن ڤێ ئافره‌تێ ل ناڤ كه‌سایه‌تیا مه دا دیارن، هه‌مى ده‌ما تۆره‌یی، بێ هیڤى د ناڤ كه‌سایه‌تیا مه دابه‌رچاڤ دیارن، گه‌ر ژ لایێ په‌روه‌رده‌یی ڤه به‌رێ خوه بده‌ینێ پڕانیا مامۆستایێن فێركه‌ر ب تۆره‌یی سه‌ره‌ده‌ریێ ل گه‌ل قوتابێن خوه دكه‌ن، رێیێن په‌روه‌ردا ئارام د بنه‌مایێن كه‌سایه‌تیا مه‌دا نینن، ده‌رئه‌نجام قوتابیه‌ك تۆره‌بێ هێز، بێ باوه‌ر دێ په‌روه‌رده بیت، دیسا د ناڤ خێزانێ دا، دێ بینن هه‌مى ده‌مان كچ ژلایێ دایكێ ڤه یا سنۆردار كریه وه‌ك مانا وێ د مال دا و فێركرنا وى ل سه‌ر ره‌وشتێ شه‌رمێ ده‌رئه‌نجام كچه‌ك بێ باوه‌ر د كه‌سایه‌تیا خوه دا ئاڤادبیت، ژلایه‌كێ دیتر ڤه ئافره‌تا كورد هه‌مى ده‌مان حه‌زا ب تنێبوونێ یا هه‌ى ل گه‌ل خوه چونكى ئافره‌تێ پترى زه‌لامى قوربانى دایه و ئه‌ڤرۆ بوویه، نێچیرا كۆمه‌كا كێشه و گرفتێن ده‌روونى و ژێ ده‌رناكه‌ڤیت، دبینم حه‌تا ڤى سه‌رده‌مى ئه‌م قوربانێن ڤێ په‌روه‌دێ نه و ژێ رزگار نه‌بووینه ژبه‌ر هندێ ژى یا فه‌ر و گرنگه د چاخێ پێشكه‌فتنا ئه‌ڤرۆ دا ئه‌م تێدا دژین ب رێیا كۆڕ و سمینارێن ره‌وشه‌نبیرى، هه‌روه‌سا ب رێیا زانا و رێسایێن ئاینى و كۆڕ و سمیناران، ئه‌ڤ گرێكێن هه‌نێ بهێنه ڤه‌كرن و ئه‌ڤ قه‌ید و زنجیرێن هه‌نێ بهێنه تێكشكاندن ژلایه‌كێ دیتر ڤه دێ بینن پڕانیا ئافره‌ت و دایكێن هه‌ڤژینێن خوه ژده‌ستداین، ترسا بتنێبووزنا خوه ل به‌ر خوه كرینه قه‌ید و شه‌رم مه‌زنترین كۆسپ ل به‌ر خوه گرتیه به‌ر و ئه‌ڤرۆ مایه د چارچووڤه‌كێ داخستى دا، ژبه‌ر كۆمه‌كا سنۆران ل به‌ر داناینه كو ژلایێ ره‌وشتوتیتالان ڤه بۆ هاتینه دانان، ڤێ خالێ دبینم گرنگترین، كو هه‌تا نهو بوویه كۆسپ و ئه‌گه‌ر د رێیا ئافره‌تا مه دا، هه‌تا وه‌لێ هاتى ئافره‌ته‌ك خوه‌دى كه‌سایه‌تیه‌ك شه‌رمین، بێ باوه‌رى، بێ ده‌ستهه‌لات ژێ دروست بیت، ئێدى بلا ئه‌م خوه ژڤان قه‌یدان ده‌رباز بكه‌ین چ ب رێیا هاندانا وان بیت بۆ شووكرنێ و بنیاته‌ك نوى و په‌روه‌رده‌كا نوو ئاڤا بكه‌ت، یان ب رێیا ڤه‌كرنا پرۆژێن خزمه‌تگوزارى و پرۆژێن پێشه‌یی و هشیاركرنا وان د هه‌مى وارێن ژیانێ دا بۆ دابین بكه‌ن ژبه‌ر كو هه‌كه ئه‌م میلله‌ته‌ك بین ب چاڤه‌كێ گرنگ و بنیاته ئاڤاكه‌ر نه‌به‌رێ خوه ده‌ینه ئافره‌تێ، ل وه‌لاتێن بیانى قوتابخانه دهێنه برێڤه‌برن ژلایێ دایكێ ڤه یان ئافره‌تێ ڤه بۆ په‌روه‌رده‌كرنێ و زانینا زارۆیێ خوه ل مال بخوه دایك مه‌زنترین بنگه‌هێ په‌روه‌ردێ و فیركرنێ دا ل سه‌ر ئاستێ جڤاكێ خوه ئێدى ئه‌م بینه مه‌زنترین پشته‌ڤان بۆ هندێ ئه‌ڤ ئافره‌ته خوه د گه‌ل گوهۆرینێن نوو دا بگونجینت و جڤاكه‌كێ ساخله‌م و هشیار برێڤه ببه‌ت و ئاڤا بكه‌ت.
