كانتۆن‮ ‬یان نێچیر د ئاڤا شێلی دا

راگه‌هاندنا كانتۆنان ل شنگالێ‮ ‬ژ لایێ‮ ‬هنده‌ك كه‌سان ڤه‌،‮ ‬بوویه‌ جهێ‮ ‬ره‌نگڤه‌دانا پرانیا وه‌لاتیێن كوردستانێ‮ ‬و نوونه‌ررێن ئێزدیان و ئاخفتنكه‌رێن ب ناڤێ‮ ‬وان،‮ ‬نیگه‌رانیا خوه‌ ل هه‌مبه‌ری ڤێ‮ ‬پێنگاڤا سڤكاتیێ‮ ‬و نه‌قانوونی دیاركرن،‮ ‬كو دێ‮ ‬پتر و پتر ده‌رده‌سه‌ریێن خه‌لكێ‮ ‬شنگالا بریندار زێده‌كه‌ت،‮ ‬له‌ورا ئه‌و خه‌مێن ب سه‌ر وان دا هاتین د كێمنه‌بوون دا پتر ئه‌ڤ برینه‌ وان بێشینن و خوینا گه‌نجێن وان برێژنه‌ڤه‌ ژ ئه‌نجامێ‮ ‬ڤان شه‌ڕێن ناڤخوه‌یه‌ی هه‌كه‌ خودێ‮ ‬نه‌كه‌ت ئه‌و راگه‌هاندنن بهێته‌كرن،‮ ‬هه‌لبه‌ت ژی دێ‮ ‬ره‌هه‌ندێن وێ‮ ‬نه‌به‌س ل سه‌ر شنگالێ‮ ‬د دژواربن،‮ ‬به‌لكو ل سه‌ر كوردستانێ‮ ‬هه‌میێ‮. ‬پشتی من لێكۆلینا ڤێ‮ ‬مژارێ‮ ‬كری و من هه‌ست پێ‮ ‬كری كو ره‌نگه‌ لایه‌نه‌كێ‮ ‬ڤه‌شارتی و نهێنی هه‌بیت ل پشت په‌ردێ‮ ‬و من بیر ل ره‌نگڤه‌دانێن سیاسه‌تمه‌دراێن عیراقی كری ئه‌وێنه‌ نیگه‌رانیا خوه‌ ده‌ربرین ل هه‌مبه‌ر راكرنا ئالایێ‮ ‬كوردستانێ‮ ‬ل سه‌رێ‮ ‬چیایێ‮ ‬شنگالێ‮ ‬پشتی رزگاركرنێ‮ ‬ژ ده‌ستێن داعشا خوینمێژ،‮ ‬وه‌كو وه‌فیق سامه‌رائی و حه‌نانان فه‌تلاوی و هنده‌كێن دیتر ژ‮ ‬یێن كه‌ربوكینا خوه‌ راكرین ل به‌رامبه‌ر كورد و كورستانێ،‮ ‬ده‌مێ‮ ‬ده‌ربرینێن خوه‌ د داخۆیانیێن خوه‌‮ ‬یێن تلفزیۆنی دا دیاركرین ژ مه‌ترسیا وان ژ هندی نه‌كو ئێزدی و مه‌سیحی و شه‌به‌ك بهه‌لبژێرین بمیننه‌ د ناڤا هه‌رێما كوردستانێ‮ ‬دا پشتی كو هێزێن پێشمه‌رگه‌ی پرانیا باژێرێن رزگاركرین و داعش ژێ‮ ‬ده‌رخستین‮!! ‬له‌ورا من گۆته‌ خوه‌ دبیت ئه‌ڤه‌ پیلانگیریه‌ك بیت،‮ ‬بۆ لاوازكرنا كوردان و ب ڤان تشتان ڤه‌ مژوول بكه‌ن‮ ‬یێن كو خزمه‌تا كوردستانێ‮ ‬نه‌كه‌ن ب چ ره‌نگه‌كی و خه‌ونا ده‌وله‌تا كوردی ژناڤ ببه‌ت،‮ ‬ئه‌و خه‌ونا هه‌رده‌م دوژمنێن مه‌ بێزراكرین و چو رێ‮ ‬بۆ وان نه‌ماینه‌ ب تنێ‮ ‬كو ته‌ڤلی ئالۆزیان بكه‌ت و نه‌شێن ژێ‮ ‬بده‌ركه‌ڤن،‮ ‬له‌ورا پشتی هینگی من دووڤچوونا داخۆیانێن پرانیا حزبێن سیاسی و حوكمه‌تا كوردی كر ل دۆر ڤی بابه‌تی و من هه‌ست ب پشتراستیه‌كا مه‌زن كر چونكو پرانیا وان ئه‌ڤ راگه‌هاندنه‌ ئینكار كرن،‮ ‬نه‌خاسمه‌ هنده‌ك ژ نوونه‌رێن وان حزبێن سه‌ر ب وانڤه‌ ژی‮ ‬یێن ئه‌ڤ كانتۆنه‌ راگه‌هاندین ژی نه‌رازیبوونا خوه‌ دیاركربوون،‮ ‬یا ئه‌ڤێ‮ ‬كۆمێ‮ ‬ئه‌نجامدای كو نوونه‌راتیا كه‌سێ‮ ‬ناكه‌ت ژ بلی وان بخوه‌ و من پشتا خوه‌ ب خودێ‮ ‬مه‌زن گه‌رم كر كو هه‌كه‌ پیلانگیریه‌ك‮ ‬یان شاشیه‌ك هه‌بیت د هه‌لسه‌نگاندنێ‮ ‬دا،‮ ‬چه‌ندی ل سه‌ر ئاستێ‮ ‬كه‌سان بیت نه‌ك حزبان،‮ ‬دێ‮ ‬ب ڤی ره‌نگی كوردستان‮ ‬یا ب سه‌لامه‌ت و سه‌قامگیر بیت و هێشتا ژی دلسۆزی ئه‌و سیما‮ ‬یه‌‮ ‬یا د پرانیا حزبێن وێ‮ ‬دا،‮ ‬لێ‮ ‬هه‌كه‌ كوردستان بۆ وان ببیته‌ خه‌م و بزاڤێن مه‌له‌ڤانیكرنێ‮ ‬بكه‌ن د ئاڤێن شێلی دان بزاڤێن مه‌له‌ڤانیكرنێ‮ ‬بكه‌ن د ئاڤێن شێلی دا،‮ ‬لێ‮ ‬ملله‌ت تونه‌یه‌ كو ل به‌ر سینگێ‮ ‬وان براوه‌ستیت و لێپرسینا وان بكه‌ت و راده‌كی بۆ وان بدانیت چو زوو بیت‮ ‬یان دره‌نگ‮!!‬؟
و‮: ‬ئه‌ڤرۆ

کۆمێنتا تە