قوتابخانە بۆ په‌نابه‌رێن رۆژئاڤا یێن ل كه‌مپا به‌رده‌ره‌ش نه‌هاتینه ڤه‌كرن
ئه‌ڤرۆ نیوز، بارزان مزووری:
بێوار كه‌ریم رێڤه‌به‌رێ كه‌مپا به‌رده‌ره‌ش یا په‌نابه‌را بۆ ئه‌ڤرۆ نیوز گۆت:ئه‌ڤه ماوێ حه‌فتیه‌كێ یه ژبه‌ر نه ئارامیا ره‌وشا ئه‌منی یا رۆژئاڤا كوردستانێ هاتنا په‌نابه‌ران زێده‌تر بویه د ماوێ ئێك حه‌فتیا بوری زێده‌تری 300 خێزانێن په‌نابه‌ر گه‌هشتینه كه‌مپا به‌رده‌ره‌ش یا په‌نابه‌را رۆژانه زێده‌تری 40 خێزانا دهێن.
ناڤهاتی خویاكر ژمارا په‌نابه‌رێن رۆژئاڤا ل كه‌مپا به‌رده‌ره‌ش و گه‌ویلان گه‌هشتیه زێده‌تری 20 هزار كه‌سا رۆژانه ژمارا وان زێده‌تر یا لێ دهێت و گۆت: (هه‌تا نها خوێندنگه بۆ وان په‌نابه‌را نه‌هاتینه ڤه‌كرن ژ به‌ركۆ هاتن و چوونا په‌رنابه‌ران یا به‌رده‌وامه دهێن و گه‌له‌ك ژی ل كه‌مپا ده‌ردكه‌ڤن دیسان كوردێن رۆژئاڤا ل سه‌ر دوو سیسته‌ما دخوینن لاتینی و عه‌ره‌بی ئه‌ڤه ژی ئێك ژوان كێشایه ژبه‌ركۆ ئاڤاهی ژی بۆ هاتیه دروست كرن و كار ل سه‌ر ئاڤاهیێ دووێ یا دهێته كرن به‌ره‌ڤ قوناغێن دوماهیێ دچیت).
