26 سم بەفرێ ل سەنتەرێ ناحیا کانی ماسێ بارینە
ئەڤرۆ نیوز ، زنار تۆڤی:
ل شەڤا بوری پێلەکا دیتر یا بەفرێ ل ناحیا کانی ماسێ و چەندین دەڤەرێن دیتر یێن قەزا ئامێدیێ بارینە، د ئەنجامدا رێژەکا باش یا بەفرێ ل سەنتەرێ ناحیا کانی ماسێ باریە و تیمێن رامالینا بەفرێ ژی د بەردەوامن ل سەر رامالینا بەفرێ.
مستەفا ئەحمەد ژ هۆبا چاندنا کانی ماسێ، تایبەت بۆ ئەڤرۆ نیوز دیار کر: شەڤا بوری 26 سم بەفرێ ل سەنتەرێ ناحیا کانی ماسێ بارینە، هەروەسا ل شەڤا بوری 20 ملیمێن بارانێ ژی بارینە، هەتا نوکە 560 ملم بەفر و بارانێ ل ناحیا کانی ماسێ بارینە، هەروەسا پار هەتا ڤی دەمی نێزیکی 900 ملیمێن بەفر و بارانێ ل سەنتەرێ ناحیا کانی ماسێ باری بوون.