بریار هاتیە دان ل شێخان 30% دوباره بایومه‌تری ئه‌نجام بدەن
ئه‌ڤرۆ نیوز، بارزان مزووری:
خه‌له‌ف سه‌عید كارمه‌ند ل بنگه‌هێ شێخان یێ كومسیونا هه‌لبژارتنا ل نه‌ینه‌وا بۆ ئه‌ڤرۆ نیوز گۆت:لدوڤ بریارا په‌رله‌مانێ عێراقێ ل هه‌یڤا 12 یا سالا بوری بریار هات بۆ دان كۆ سه‌رجه‌م بنگه‌هێن كومسیونێ بهێن داخستن كارمه‌ندێن وان بنگه‌ها ژی هه‌موو هات بونه لادان به‌لێ نه هات بونه ئێكلاكرن هزاره‌ها كارتێن بایومه‌تری یێن ده‌نگدانێ مافێ وان دا هێته سوتن ژبه‌ركۆ كارتێن خو نه‌وه‌رگرت بوون.
ناڤهاتی خویاكر د نها دا كومسیونا هه‌لبژارتنان یا عێراقێ بریا ردا لدوڤ ژمارا 203 ل رێكه‌فتی 3/2/2020 كۆ هه‌موو كارمه‌ندێن كاری هاتینه لادان دوباره ڤه‌گرنه سه‌ر كارێ خۆ هه‌موو بنگه‌هێن كومسیونێ ژی بهێنه ڤه‌كرن و گۆت: (لدووڤ وێ بریارێ بریار هاتیه دان كو هه‌ر كه‌سێ بایومه‌تری ئه‌نجام نه‌دای دێ دوباره بۆ هێت ئه‌نجام دان ژبه‌ركۆ بتنێ ل بنگه‌هێ شێخان 30% خه‌لكی بایومه‌تری نه ئه‌نجام دابوون).
خەلەفی ئەو یەک ژی دیار کر ل بنگه‌هێ شێخان زێده‌تری 10 هزار كارتێن بایومه‌تری نه‌هاتبوون دابه‌شكرن هه‌موو هات بون راگرتن د نها دا ئه‌و كارت ژی دهێنه دابه‌شكرن دا مافێ وان ده‌نگده‌را نه‌هێت خارن به‌لێ داخاز ژ وه‌لاتیان دكه‌ین كۆ سه‌ره‌دانا بنگه‌هێن ده‌نگدانێ بكه‌ن بۆ وه‌رگرتنا كارتێن خۆ ئه‌وێن بایومه‌تری ژی نه‌كری دوباره بهێن و بایومه‌تری ئه‌نجام بده‌ن.