ژبەر ڤان ئەگەران پیستێ دەست و پێیان د ئاڤێ دا چر دبیت
ئەڤرۆ نیوز:
ئەرێ تە زانیە، دەمێ دچیە د ئاڤێ دا، یان دەمێ سەرێ خۆ دشۆی، بۆچی پیستی دەست و پێت تە ب چردچن و جهێن دیتر یێن لەشی ناهێنە گوهۆرین.
هەر چەندە مرۆڤ هەست پێ ناکەت و نابینیت، لێ پیست ب روونەکێ تایبەت هاتیە داپوشین کو دبێژنێ سیبەم، ئەڤ روۆنێ پیستی ب تەری دهێتە راگرتن و دپارێزیت، لێ ب بەرکەفتێن زێدە ل گەل ئاڤێ ئەو روون لادچیت و ئاڤ دچیتە د ناڤ پیستی دا.
مالپەرێ بی بی سی دیار کریە، د نوکە دا زانا د وێ باوەریێ دانە، کو کوئەندامێ مێشکی و دەمارێن مرۆڤی وى کاری دکەن و باندوریێ درۆست دکەن کو پیستێ دەست و پێیان ب چردچیت، ئارمانج ژێ ئەو کو ب ساناهی کەلوپەلان ب دەستان بگری و دەما ب پێیان د ئاڤێ دا هاتن و چوونێ دکەی نە تەحسی و پێ گر دبن، ئەڤە ژى هاریکاریەکا گرنگە بۆ بەردەوامی دانا ژیانێ بێ هەبوونا ئامیران.