ئەرێ گەرمكرنا ترومبێلێ یا گرنگە یان نە؟
ئەڤرۆ نیوز :
گەلەك ژ شۆفێران بەری ترومبێلا خوە بهاژۆن، ب تایبەتی ژی د وەرزێ زڤستانێ دا بۆ چەند خۆلەکان ترومبێلا خوە گەرم دكەن و وەسا هزر دكەن ئەڤ چەندە بۆ بزوێنەرێ ترۆمبێلێ یا باشە.
د ڤی واری دا تریسی نوبلز، رێڤەبەرا كاروبارێن گشتی ل دەستەیا ترومبێلێن ئەمریكی دبێژیت: ترومبێلێن ڤی سەردەمی ژ ترومبێلێن بەری 15 ـ 20 ساڵان گەلەک پێشكەفتی ترن، لەوما وی سەردەمی پێدڤی بوو ترۆمبێل بهێتە گەرمكرن، بەلێ نوكە ب تنێ شۆفێری پێدڤی ب 30 چركان هەیە پشتی بکارخستنێ ترومبێلێ بهاژۆت، نەخاسمە هەکە ژیێ ترومبێلێ ژ 10 سالان كێمتر بیت.
نوبلز زێدەتر دبێژیت: ترومبێلێن نوکە ب رێكخستوكێن كارەبایی بۆ كاركرنا بزوێنەری و پالدانا سوتەمەنیێ هاتینە دروستكرن، لەوما د هەر سەقایەكێدا بیت، بزوێنەر زوو سوتەمەنیێ وەردگریت و پێدڤی ب چاڤەرێبوونێ ناکەت، هەروەسا دوپات دكەت ژی، ب تنێ 30 چركە بەسن پشتی بکارخستنێ، شۆفێر ترومبێلێ بهاژۆت.