کورد دێ بڕیارا دووماھیێ دەن
ئەڤرۆ نیۆز، قائید میرۆ:
بڕیارە سوبەی شاندێ دانوستانکارێ ھەرێما کوردستانێ ل بەغدا دگەل سەرۆکایەتیا ھەرێما کوردستانێ کۆم ببن و تێدا بڕیارێ لدۆر پێکئینانا کابینا نوو یا عێراقێ و پشکداریا کوردان بدەن.
ژێدەرەکێ ئاگەھدار بۆ ئەڤرۆ نیۆز دیارکر” کۆمبوون دێ ل باژێڕێ ھەولێرێ بڕێڤە چیت و تێدا شاندێ دانوستانکارێ ھەرێما کوردستانێ کو نوکە ل بەغدایە دێ ئەنجامێن دانوستاندنێن دگەل بەغدا بگەھیننە سەرۆکایەتیا ھەرێما کوردستانێ و ھەلسەنگاندن دێ بۆ ھێتەکرن.
ژێدەری نەڤیا ناڤێ خوە ئاشکرابکەت ئاماژەکر” ھەرێما کوردستانێ د کۆمبوونا سوبە رۆژا دوشەمبی دێ بڕیارێ دەت ئایا پشکداریێ د کابینا نوو یا عەلاوی دا بکەن یان ژی پشکداریێ ناکەن گۆتژی” لێک تێگەھشتنەک ھەیە ل دۆر داخوازیێن کوردان بۆ حوکمەتا نوو.