پۆلیسێن تورکیا نەهێلان هاریکاری بگەهیتە دەستێ کوردان
ئەڤرۆ نیوز:
موراد ساریساچ ئەندامێ پەرلەمانێ تورکیا سەر ب فراکسیۆنا هەدەپێ راگەهاند کو پارتا وان چەند بارهەلگر هاریکاری بۆ خەلکێ دەڤەرا باشقالە یا سەر ب وانێ کۆمکرینە دا بگەهینە وان، چونکو بەری چەند رۆژان ژ بەر بیڤەلەرزێ زیان گەهشتبوو وەلاتیێن کورد یێن وێ دەڤەرێ، لێ ژ ئالیێ پۆلیسان ڤە ئاستەنگی هاتیە دروستکرن و رێ نەهاتیە دان هاریکاری بگەهیتە دەستی وەلاتیێن کورد.
بەرپرسەکێ پۆلیسێن وانێ ژی راگەهاند کو لیژنەک هاتیە ئاڤاکرن و دڤێت هەموو هاریکاری رادەستی وێ لیژنێ بهێتە کرن و نابیت هەر کەس ژ ئالیێ خوە ڤە هاریکاریان ببەتە وێ دەڤەرێ.